Vinnukvöld á Sólvöllum

Miðvikudagskvöldið 21.júlí nk. er ætlunin að undirbúa og fegra svæðið fyrir mót og væri því gott að fá vinnufúsa félagsmenn á staðinn kl. 20:00 og síðar ef það hentaði einhverjum betur. Gott að taka með sér þetta hefðbundna, sleggju, hrífu, skóflu og sláttuorf, þeir sem eiga slíkar græjur.

Hressing í boði félagsins að loknu verki.

Stjórn og mótanefnd Kóps 2021

Firmakeppni Hestamannafélagsins Kóps verður haldin á Sólvöllum í Landbroti föstudagskvöldið 23.júlí nk. kl. 19:00. Keppt verður í opnum flokki (minna og meira vanir, búningar æskilegir) og í unghrossaflokki. Vegleg verðlaun verða veitt fyrir þau hross sem eru efst í hverjum flokki.

Skráningar berist á netfangið hmf.kopur@gmail.com. Skráningu lýkur þriðjudagskvöldið 20.júlí nk.

Að firmakeppni lokinni ætlar Lilja Hrund Harðardóttir, formaður Kóps, að vera með heimboð þar sem boðið verður upp á grill og með því. Maturinn kostar 2.000 kr á mann, enginn posi verður á staðnum.

Hestaþing Hestamannafélagsins Kóps verður haldið 24.júlí nk. á Sólvöllum í Landbroti.

Mótið er opið í gæðingaflokkum, tölti og kappreiðum. Keppt verður í eftirfarandi ef næg þátttaka næst:

Polla-, barna-, unglinga- og ungmennaflokki og A- og B-flokki gæðinga. Tölti T3 og T7.

100 m. flugskeiði, 150 m. skeiði, 300 m. brokki og 300 m. stökki.

Skráningargjöld í ungmennaflokk, A-flokk, B-flokk og tölt er kr. 3.000.-

Engin skráningargjöld eru í kappreiðar, polla-, barna- og unglingaflokk.

Skráningargjöld greiðist inn á reikn: 0317-26-3478 kt: 440479-0579. Kvittun sendist á netfangið hmf.kopur@gmail.com. Skráning telst ekki gild fyrr en greiðsla hefur borist. Skráning er inn á www.sportfengur.com. Skráningar í pollaflokk og kappreiðar berist á netfangið hmf.kopur@gmail.com.

Skráningum lýkur kl. 23:59 þriðjudagskvöldið 20.júlí nk.

Ef vandamál koma upp við skráningu er hægt að hafa samband við Pálínu Pálsdóttur í síma 867-4919.

Dagskrá og ráslistar verða birtir á facebooksíðu og á heimasíðu Kóps eftir að skráningu lýkur.

Hlökkum til að sjá sem flesta.

Stjórn, fjáröflunar- og mótanefnd Kóps 2021