Um síðust helgi voru Kópsmenn og konur í úrtöku fyrir landsmót. Úrtakan var haldin í Pétursey um leið og Sindri hélt sitt félagsmót og úrtöku.

 

3 knapar fengu rétt til að keppa á Landsmóti:

 

Svanhildur Guðbrandsdóttir í barnaflokki á Stormi frá Egilsstaðakoti ,

Kristín Lárusdóttir í B-flokki á Þokka frá Efstu Grund og

Guðmundur Jónsson í A-flokki  á Vestra frá Hraunbæ.

 

Kópsmenn fengu einnig að taka þátt í úrslitum.

Svanhildur vann barnaflokkinn með glæsibrag og í töltinu fékk Kristín plúsa í bæði forkeppni og úrslitum fyrir prúðmannlega reiðmennsku. Enginn annar keppandi fékk plús.

 

Heildarúrslit mótsins má sjá á Heimasíðu Sindra.

 

Loksins eru Kópspeysurnar komnar í hús!

Þær verða til afhendingar gegn staðgreiðslu í anddyri Kirkjubæjarskóla á morgun 20. júní frá kl. 20 til 22.

Verð á fullorðins peysu er 13.000 kr. og barna 5.000 kr.

 

Kveðja,

Stjórnin

Laugardaginn 30. júní verður haldin þolreið frá félagssvæði Harðar að landsmótssvæðinu og endað á stóra hringvellinum á félagssvæði Fáks. Það geta allir tekið þátt á vel þjálfuðum reiðhestum en þolreið í þessari mynd er haldin árlega á íslenskum hestum um alla Evrópu.

Vegleg verðlaun eru í boði en fyrir fyrsta sæti eru veittir flugmiðar til Evrópu með Iceland Express. Einnig veitir Hestaleigan Laxnes veglega bikara fyrir fyrsta til þriðja sæti.

Þetta verður einstaklingskeppni en ekki liðakeppni og hvetjum við þá sem áhuga hafa á þátttöku að skrá sig á netfangið irmasara@simnet.is. Þar þarf að koma fram nafn á knapa og kennitala, nafn á hesti og IS-númer.

Þátttökugjald er einungis 2000 krónur og skulu lagðar inn á reikning Landsmóts ehf. 515-26-5055, kt. 501100-2690. Síðasti skráningardagur er föstudagurinn 22. júní

 

Ég ætla að athuga hvort það sé einhver áhugi að fá graðhest hingað í sveitina í sumar. Það er nefnilega möguleiki á að fá einn af þessum lánaðan í sumar ef áhugi er fyrir því.

Þyrnir frá Þóroddsstöðum; M: Hlökk frá Þóroddsstöðum. F: Galdur frá Laugarvatni

Goði frá Þóroddstöðum, M: Hlökk frá Þóroddsstöðum. F: Gári frá Auðholtshjáleigu

Fáfnir frá Þóroddsstöðum(4.vetra), M: Klukka frá Þóroddsstöðum(1.v). F: Aron frá Strandarhöfða

 

Heiðrún

Gsm: 847-8541

heidrunhuld3@gmail.com

 

Vinna á Landsmóti 2012.

Landsmótsstjórnendur óska eftir fólki frá hestamannafélögunum í vinnu á vöktum á L.M. Fyrir hverja unna klst. greiðast 1500 kr. og  greiðist til Hmf. Kóps í formi styrks.

Einnig er óskað eftir unglingum í félagsbúningum til að draga þjóðfána að húni við setningu mótsins og jafnframt aðstoðarfólki í þjóðbúningum við verðlaunaafhendingar. Þetta tengist ekki vöktum.

 

Ef einhverjir sjá sér fært að vinna eða taka þátt í hinu verkefninu, þá endilega hafið samband við mig í síma 8693486.

 

Kv. Kristín Ásgeirsdóttir

 

Úrtaka hjá Hestamannafélaginu Kóp fyrir L.M. 2012

 

Fer fram á Sindravelli við Pétursey dagana 15-16. Júní n.k.

Kópur á rétt á að senda einn keppanda í hvern flokk á landsmóti og miðast það við félagafjölda.

Þátttökurétt á L.M. fyrir Kóp, öðlast það hross sem hlýtur hæstu einkunn í forkeppni.

Skráningar berist til Kristínar Ásgeirsd. í síma 8693486 eða netfang sigmarhelga@simnet.is fyrir 8.júní.

 

Stjórnin.

 

Það eru komin nokkur ný albúm á myndasíðuna, t.d. mjög skemmtilegar myndir frá 1987.

 

Endilega haldið áfram að senda inn myndir til að birta hér á síðunni á netfangið: thorunn8@gmail.com

 

Kveðja,

Þórunn 

 

Barnaflokkur
1. sæti Svanhildur Guðbrandsdóttir á Stormi frá Egilsstaðakoti
Keppir fyrir Hjúkrunarheimilið Klaustri

2. sæti Svava Margrét Sigmarsdóttir á Fagrablakk
Keppir fyrir Hörgsland 2


Unglingaflokkur
1. sæti Elín Árnadóttir á Foss frá Vík
Keppir fyrir Ferðaþjónustan Hunkubökkum

2. sæti Þorsteinn Björn Einarsson á Keng frá Múlakoti
Keppir fyrir Skaftárhreppur

3. sæti Harpa Rún Jóhannsdóttir á Röskvu
Keppir fyrir Búval

4. sæti Katla Björg Ómarsdóttir á Eldingu frá Efri-Ey 2
Keppir fyrir Hótel Klaustur


Unghrossaflokkur
1. sæti Kristín Lárusdóttir á Húfu frá Laugardælum
Keppir fyrir Heilbrigðisstofnun Suðurlands

2. sæti Hlynur Guðmundsson á Væntingu frá Eyjarhólum
Keppir fyrir Þykkvibær 1

3. sæti Guðbrandur Magnússon á Glóð frá Litla-Hofi
Keppir fyrir Gröfuþjónusta Birgis Jónssonar


Opinn flokkur
1. sæti Kristín Lárusdóttir á Elku frá Króki
Keppir fyrir Prestsbakka

2. sæti Hlynur Guðmundsson á Festi frá Efstu-Grund
Keppir fyrir Kirkjubæjarstofu

3. sæti Guðbrandur Magnússon á Þöll frá Vík 
Keppir fyrir Fósturtalningar Ellu og Heiðu

4. sæti Harpa Ósk Jóhannesdóttir á Væntingu frá Eyjarhólum
Keppir fyrir Þykkvabæ 3

5. sæti Atli Már Guðjónsson á Draumi frá Ytri-Skógum
Keppir fyrir Systrakaffi

Önnur fyrirtæki og einstaklingar sem styrktu Firmakeppnina voru:

Tamningarstöðin Syðri-Fljótum
Bílaverkstæði Gunnars Vald
Heilsuleikskólinn Kæribær
Hótel Geirland
Mýrar
Herjólfsstaðir
Jórvík 1
Hótel Laki
Hjúkrunarheimilið Klaustri
Kjarval
Arion banki
Tjaldstæðið Kirkjubæ 2
Fagurhlíð
Kirkjubæjarklaustur 2
Efri-Ey 2
Nonna- og Brynjuhús

 

Firmakeppni Kóps verður haldin laugardaginn 14. apríl á Sólvöllum.

Keppni hefst kl. 13:00 og verður byrjað á Barnaflokki, svo verður Unghrossaflokkur, því næst Unglingaflokkur og síðast verður keppt í Opnum flokki.

 

Prógramið er allt riðið upp á sömu hönd í forkeppni:

 

Barnaflokkur:

2 hringir á hægu tölti/brokki.

2 hringir frjáls hraði tölt/brokk.

 

Unglingaflokkur, unghrossaflokkur og opinn flokkur:

2 hringir á hægu tölti/brokki.

2 hringir frjáls hraði tölt/brokk.

2 ferðir á beinni braut, annað hvort yfirferð eða skeið.

 

Úrslit:

5 hæstu komast í úrslit og prógramið er það sama nema það er riðið upp á báðar hendur.

 

Við skráningu skal koma fram upp á hvora hönd menn vilja ríða í forkeppni.

 

 

Laugardaginn 14. apríl verður Firmakeppni Kóps haldin á Sólvöllum. 

Keppni hefst klukkan 13:00 og keppt verður í eftirfarandi flokkum:

Barna, Unglinga, Unghrossa og Opnum flokki.

Skráningar þurfa að berast fyrir miðvikudaginn 11. apríl til Herdísar eða Öddu:

Herdís 867-6835 herdis-vs-tinna@hotmail.com

Adda 866-5165 nem.arnfridur@lbhi.is

Kveðja, mótanefnd

Félögum í Hestamannafélaginu Kópi, bæði börnum og fullorðnum, stendur til boða að kaupa peysur (jakka) með merki félagsins og eigin nafni.