Hestamannafélagið Kópur

12.11.2012 16:32

Knapamerkja- og prófdómaranámskeið

Knapamerkja- og prófdómaranámskeið.

Sunnudaginn 18. nóvember verður boðið upp á fræðsludag og námskeið um

Knapamerkin auk þess sem prófdómurum verður boðið upp á að uppfæra

dómararéttindi sín og nýjum að spreyta sig á að taka próf. Fyrri hluti námskeiðsins verður

öllum opinn sem áhuga hafa á að fræðast um Knapamerkin eða ætla sér að bjóða upp á

Knapamerkjanámskeið í vetur. Seinni hluti námskeiðsins er einungis hugsaður fyrir þá

aðila (reiðkennara) sem hyggjast taka prófdómarapróf.

Ath. Þeir sem eru með prófdómararéttindi verða mæta á þetta námskeið og taka

prófdómaraprófið til að viðhalda núverandi réttindum.

Skráningu í prófdómarahluta námskeiðsins lýkur föstudagskvöldið 9 nóvember.

Staðsetning – Fáksheimilið og Reiðhöllin í Víðidal

Dagsetning - 18 nóvember frá klukkan 10:30 til 18

Verð

Það er frítt á fyrri hluta námskeiðsins en verð fyrir þá sem mæta á prófdómaranámskeið

er 20.000 krónur og innifalið í því er kaffi og snarl yfir daginn auk próftökugjalds.

Dagskrá

Klukkan: 10:30 – 10:45 Kynning Helga Thoroddsen

Klukkan: 10:45 – 11:15

Erindi: Arndís Brynjólfsdóttir, reiðkennari.

Reynslan af Knapamerkjunum í Fjölbrautaskóla Norðurlands Vestra.

Kaffihlé

Klukkan: 11:30 – 12:00

Erindi: Rósa Kristinsdóttir og Oddný Erlendsdóttir.

Fjalla um reynsluna af því að vera nemandi í Knapamerkjum. Báðar hafa lokið

prófi á 5. Stigi Knapamerkjanna.

Klukkan: 12:00 – 12: 15 Fyrirspurnir og umræður

Þessi fyrri hluti námskeiðsins er öllum opinn sem áhuga hafa á að kynna sér

Knapamerkin og leita upplýsinga um þau.

Matarhlé

Klukkan 13:00 – 13:30

Farið yfir helstu verkefni Knapamerkjanna þessa dagana og hvað er framundan.

Umræður

Klukkan 13: 40 - 15:30

Farið yfir helstu áhersluatriði í prófum og æfð prófdæming af myndböndum.

Kaffihlé

Klukkan 16:00 – 18:00

Prófdómarapróf

Þessi hluti námskeiðsins er opinn reiðkennurum sem hyggjast kenna

Knapamerkjanámskeið og prófdómurum sem vilja uppfæra prófdómararéttindi sín.

Dæmd verða 2 próf á hverju stigi Knapamerkjanna og prófgögnum skilað til prófdómara.

12.11.2012 16:31

Til félagsmanna í Hmf. Kóp, 18 ára og eldri.

Laugardagskvöldið 24. nóv.n.k. býður Hmf. Sindri félagsmönnum í Kóp 18 ára og eldri að koma út yfir

sand og taka þátt í skemmtun með þeim.Aðgangseyrir er kr. 5000.00 og þátttökutilkynningar þurfa að

berast í síðasta lagi 18.nóv.

Allar aðrar nánari upplýsingar þurfið þið að nálgast í síma 8693486 hjá Kristínu Ásgeirsdóttir sem

einnig tekur við þátttökutilkynningunum. Við skorum á ykkur að hafa samband.

Með kveðju

Stjórn Kóps.

11.11.2012 19:53

Úrslit folalda- og trippasýningar Kóps 11. nóvember 2012

Sunnudaginn 11. nóvember var haldin folalda- og trippasýning að Syðri Fljótum.

Dómari var Pétur Halldórsson og aðstoðarmaður Árni Gunnarsson.

Á eftir var kaffi og kökur.

Hér er komið nýtt myndaalbúm

09.11.2012 21:36

Folaldasýningunni frestað til sunnudags 11. nóv.

Vegna slæmrar veðurspár á morgun, laugardag, höfum við ákveðið að fresta folaldasýningunni á Syðri-Fljótum

til næsta dags þ.e. sunnudagsins 11. nóv. kl 13.00.

Það spáir allavega betur þá.

Stjórnin.