11.07.2013 14:28
Hestaíþróttahátíð USVS í Pétursey 20.júlí
Hestaíþróttahátíð USVS verður haldin laugardaginn 20. júlí. Hægt er að skrá sig með því að fara inná sportfengur.com og velja skráningakerfi.
Velja þarf Kóp sem hestamannafélag sem heldur mótið til að finna héraðsmótið.
Þeir sem ætla að skrá í pollaflokk þurfa að velja Tölt T1 Annað.
Skráningarfrestur er til fimmtudagsins 18.júlí kl.23.59.
Ef vandamál koma upp við skráningu þá er hægt að hringja í Kristínu Lár í síma 4874725.
Það verður keppt í pollaflokki, tölti og fjórgangi í barnaflokki, tölti, fjórgangi og fimmgangi í unglinga, ungmenna og opnum flokki. Í lokin verður 100m skeið í opnum flokki.
Vonumst við til að sjá sem flesta keppendur á öllum aldri.
Hestamannafélögin Kópur og Sindri
08.07.2013 09:20
50 ára afmæli Hestamannafélagsins Kóps!
Kæru Kópsfélagar.
30. Júní 1963, var stofnfundur Hestamannafélagsins Kóps haldinn í félagsheimilinu á Kirkjubæjarklaustri. Félagið okkar varð því 50 ára þann 30. júní 2013.
TIL HAMINGJU MEÐ DAGINN!
Við fögnum þessum tímamótum með veglegu afmælismóti 27 og 28 júlí n.k. og síðan húllum hæi einhverntíma á komandi hausti.
Með kærri kveðju.
Stjórnin.
Til gamans fylgir hér fundargerð stofnfundarins.
Sunnudaginn 30. Júní 1963 var haldinn stofnfundur að hestamannafélagi í félagsheimilinu á Kirkjubæjarklaustri. Mættir voru 24 fundarmenn.
Séra Gísli setti fundinn og bauð fundarmenn velkomna, sérstaklega Bjarna á Laugarvatni er mættur var á fundinn.Síðan var séra Gísli kosinn fundarstjóri með lófaklappi.
Skipaði hann Helga í Hraunkoti fundarritara og las hann einnig upp fundargjörð fundar sem haldinn var 1.des. 1962 og var hún samþykkt.
Fundarstjóri gerði fyrirspurn til nefndarmanna sem kosnir voru á fundinum í vetur og mættir voru á þessum fundi, hver áhugi væri um stofnun Hestamannafélags. Töldu þeir að þó nokkur þátttaka myndi verða ef félag yrði stofnað. Þá tók til máls Bjarni á Laugarvatni. Lýsti hann starfsemi hestamannafélaga t.d. starfsemi síns félags er heitir Trausti.Hvatti hann eindregið til að stofna hestamannafélag á þessum fundi þó fámennur væri og kjósa bráðabyrgðarstjórn.Fleiri tóku til máls og tjáðu sig fylgjandi tillögu Bjarna.
Var síðan samþykkt að stofna Hestamannafélag. Samþykkt var einróma tillaga frá Bjarna Bjarnasyni í Þykkvabæ að félagið héti Kópur.
Þá kom fram listi fyrir fundarmenn til að skrá sig í félagið og gerðust 19 manns félagar á fundinum.
Samþykkt var að árgjöld félaga væri 100kr. Síðan var kosið í stjórn félagsins og voru þessir menn kosnir.
Sigurgeir Jóhannsson Bakkakoti með 17 atkvæðum.
Bjarni Bjarnason Þykkvabæ með 13 atkvæðum.
Séra Gísli Brynjólfsson með 10 atkvæðum.
Til vara Helgi Sigurðsson Hraunkoti.
Þá var rætt um að félagið færi í útreiðartúr í sumar og var helst stungið uppá að fara inn í Holtsdal sunnudaginn 28. Júlí og stjórninni falið að sjá um frekari undirbúning.
Fleirra ekki rætt á fundinum.
En strax að fundinum loknum flutti Bjarni Bjarnason á Laugarvatni mjög fróðlegt erindi um hesta og hestamennsku.
Helgi Sigurðsson.
11.06.2013 09:18
Á döfinni
Hestaþing Kóps verður haldið 27. og 28. júlí n.k. (helgin fyrir verslunarmannahelgi)
Hestaferðin verður farin 9.-11. ágúst n.k. (helgin eftir verslunarmannahelgi)
Að þessu sinni verður farið í Öræfin.
Allt nánar auglýst síðar þegar nær dregur.
Stjórnin.
11.06.2013 08:47
Fjórðungsmót á Austurlandi.
Fjórðungsmót á Austurlandi.
Haldið dagana 20. – 23. júní að Fornustekkum í Hornafirði.
Skráning í keppnisgreinar:
1. Gæðinga- barna- unglinga og ungmennakeppni:
1 x keppandi fyrir hverja byrjaða 25 félaga.
Formenn hestamannafélaganna eru ábyrgir fyrir skráningu í SportFeng. Senda skal
inn nafn og kennitölu knapa og hests. Sjá að öðru leyti lög og reglur LH.
Skráningargjald fyrir hvern keppanda er 4.000 krónur.
------------------------------------------------------------------
2. Töltkeppni og slaktaumatölt, er opið á landsvísu.
Ekki er krafist lágmarkseinkunnar. Hver einstakur keppandi er ábyrgur fyrir sinni
skráningu.
Keppt er í tveimur flokkum í tölti og einum flokki í slaktaumatölti:
Opinn flokkur: Atvinnumenn og meira vanir, 22 ára og eldri.
Áhugamannaflokkur: Minna vanir, fullorðnir og ungmenni 18-21 árs.
Skráning sendist í SportFeng. Frekari upplýsingar um skráningar er hægt að fá í
símum: 847-1205 (Tobba), 865-3302 (Bryndís), 896-6465 (Pálmi).
Skráningargjald í töltkeppni er 5.000 krónur á keppanda.
---------------------------------------------------------------------
3. Fljúgandi 100m skeið, 150m og 250m skeið.
Opnar keppnisgreinar á landsvísu. Ekki er krafist lágmarkstíma.
Hver einstakur keppandi er ábyrgur fyrir sinni skráningu.
Skráning sendist í SportFeng. Frekari upplýsingar um skráningar er hægt að fá í
símum: 847-1205 (Tobba), 865-3302 (Bryndís), 896-6465 (Pálmi).
Skráningargjald í skeiðgreinar er 5.000 krónur.
Síðasti skráningadagur og síðasti dagur til greiðslu skráningagjalda er 15. júní nk.
11.06.2013 07:51
Dagskrá Hestaþings Sindra
Hestaþing Sindra 15. og 16. júní 2013.
Á Sindravelli við Pétursey.
Drög að Dagskrá:
Laugardagur 15. júní:
Kl 10:00 Forkeppni í B- flokki gæðinga - úrtaka fyrir fjórðungsmót.
Kl 12:30 Hlé og undirbúningur fyrir hópreið
Kl 13:00 Hópreið, mótsetning
Kl 14:00 Forkeppni í polla-, barna-, unglinga-, ungmenna- og A- flokki.- úrtaka fyrir fjórðungsmót. (Pollaflokkur kláraður).
Skráningargjöld fyrir ungmenna- A- og B- flokk og Tölt er 3500 kr á hest (hámark 14000 á knapa)
Kl 19:00 Opin töltkeppni. 1. verðlaun 50.000 kr í reiðufé
Opin töltkeppni, keppt er til úrslita. Skráningu í Tölt lýkur 1 klst fyrir keppni
Sunnudagur 16. júní:
Kl 11:00 úrslit í B- flokki, barna-, unglinga-, ungmenna og A- flokki
Kl 14:30 Kappreiðar - opnar öllum (Peningaverðlaun í kappreiðum)
100 m fljótandi skeið
150 m skeið -
250 m skeið -
300 m brokk -
300 m stökk -
Skráningargjöld í kappreiðar er 1500 kr á hest og skráningu lýkur 1 klst fyrir keppni.
Við skráningu er farið inn á Sindrasíðuna þar sem er linkur inn á skráningarsíðuna. (linkurinn heitir SKRÁNINGARVEFUR) og er hægra megin á síðunni.
Slóðin inn á Sindrasíðuna er www.123.is/sindri. Skráningu lýkur kl 23:59 þriðjudaginn 11. júní. Séu vandræði með skráningu eða eitthvað óljóst er hægt að hafa samband við Hlyn í síma 8481580.
Mótanefnd áskilur sér rétt til að breyta tímasetningum á dagskrá eftir þátttökunni og einnig að vera með sérstaka forkeppni í tölti og gæðingakeppni sé þátttaka óvenju mikil. Það verður þó auglýst með fyrirvara.
Aðgangseyrir er kr 2.000.- fyrir tvo daga en 1.500.- fyrir einn dag. Frítt er fyrir 12 ára og yngri.
05.06.2013 09:26
Úrtaka fyrir fjórðungsmót.
Úrtaka Kópsfélaga fyrir fjórðungsmót á Hornafirði fer fram á Sindravelli 15. júní n.k.(Félagsmót Sindra)
Nánari upplýsingar og fyrirspurnir um skráningar hjá Kristínu í síma 8693486 eða á netfang sigmarhelga@simnet.is.
Stjórnin.
22.05.2013 07:48
Reiðskóli Kóps
Reiðskóli verður haldinn á vegum Hestamannafélagsins Kóps að Syðri Fljótum.
Hefst hann 3. júní og lýkur 9. júní (frí 8. júní ) .
Reiðkennari verður Kristín Lárusdóttir.
Síðasti skráningardagur í reiðskóla er 31. maí.
Boðið verður upp á kennslu fyrir alla aldurshópa.
Reiðskólinn er líka fyrir fullorðina. Vana sem óvana.
Því ekki að skrá sig í reiðskóla. Hestamennska er holl og skemmtileg útivera.
Nánari upplýsingar og skráning í Reiðskólann er hjá Kristínu Lár á fljotar@simnet.is.
Sjáumst í Reiðskólanum
Hestamannafélagið Kópur
20.05.2013 23:15
Vinningsnúmer í happdrætti Hestamannafélagsins Kóps 2013.
Vinningsnúmer í happdrætti Hestamannafélagsins Kóps 2013.
Nr. 1 kom á miða nr. 188
Nr. 2 kom á miða nr. 136
Nr. 3 kom á miða nr. 180
Nr. 4 kom á miða nr. 157
Nr. 5 kom á miða nr. 165
Nr. 6 kom á miða nr. 95
Nr. 7 kom á miða nr. 345
Nr. 8 kom á miða nr. 383
Nr. 9 kom á miða nr. 160
Nr. 10 kom á miða nr. 71
Nr. 11 kom á miða nr. 380
Nr. 12 kom á miða nr. 356
Nr. 13 kom á miða nr. 81
Nr. 14 kom á miða nr. 57
Nr. 15 kom á miða nr. 174
Nr. 16 kom á miða nr. 134
Nr. 17 kom á miða nr. 270
Nr. 18 kom á miða nr. 333
Nr. 19 kom á miða nr. 500
Nr. 20 kom á miða nr. 193
13.05.2013 18:28
Tilkynning!
Nú fer hver að verða síðastur að kaupa sér miða í Kóps happdrættinu. Dregið 20.maí.
Miðar eru til sölu hjá Kristínu á Skriðuvöllum 5 eða í síma 8693486.
Stjórnin.
Vinningaskrá:
1. Folatollur undir Klæng frá Skálakoti.
2. 2 kg. humar í skel.
3. Folatollur undir Storm frá Herríðarhóli.
4. Gjafakort kr. 15.000 þús.
5. Folatollur undir Trausta frá Blesastöðum 1A
6. Folald fætt 2013 frá Jórvík 1 undan Hagen frá Reyðarfirði.
7. Gjafabréf frá Icelandair Hótel Reykjavík Natura.
8. Folatollur undir Glað frá Prestsbakka.
9. Handprjónuð lopapeysa að eigin vali.
10. Folatollur undir Freymóð frá Feti.
11. 2 kg. humar í skel.
12. Folatollur undir Borða frá Fellskoti.
13. Gjafakort kr. 15.000 þús.
14. Folatollur undir Þröst frá Hvammi.
15. Black og Decker juðari frá Húsasmiðjunni.
16. Folatollur undir Óðinn frá Eystra-Fróðholti.
17. Gjafabréf frá Icelandair Hótel Reykjavík Natura.
18. Folatollur undir Sævar frá Ytri-Skógum.
19. Flís hestaábreiða frá Líflandi.
20. Folatollur undir Hruna frá Breiðumörk.
08.05.2013 10:25
Dagskrá Landsmóts UMFÍ 50+
3. Landsmót UMFÍ 50 + Vík í Mýrdal
Helgina 7-9.júní verður 3. Landsmót UMFÍ 50 + haldið í Vík í Mýrdal
DAGSKRÁ
Birt með fyrirvara um breytingar
Föstudagur 7. júní
Kl. 12:00–19:00 Boccia undankeppni
Kl. 20:00–21:00 Mótssetning og skemmtiatriði (opið öllum)
Laugardagur 8. júní
Kl. 08:00–08:30 Sundleikfimi, (opið öllum)
Kl. 08:00–19:00 Golf
Kl. 09:00- Ljósmyndamaraþon
Kl. 09:00-12:00 Hjólreiðar (utanvegar leið 30 km opið öllum)
Kl. 09:00–11:30 Boccia úrslit
Kl. 10:00-12:00 Starfsíþróttir – dráttavélaakstur
Kl. 12:00–19.00 Bridds
Kl. 11:00–12:00 Zumba (opið öllum)
Kl. 12:00–14.00 Sund
Kl. 13:00–14:00 Hjólreiðar (utanvegar 4,5 km opið öllum)
Kl. 13:00–15:00 Línudans
Kl. 13:00–16:00 Hestaíþróttir
Kl. 13:00–17:00 Skák
Kl. 14:00–15:00 Söguganga um Vík í Mýrdal, lagt af stað frá íþróttahúsi (opið öllum)
Kl. 14.00–18:00 Frjálsar íþróttir
Kl. 16:00–18:00 Sýningar
Kl. 16:00–19:00 Utanvegarhlaup um náttúruperlur Mýrdals (opið öllum)
Kl. 20:30–21:00 Búfjárdómar
Kl. 20:00–21:00 Skemmtidagskrá (opið öllum)
Sunnudagur 9. júní
Kl. 08:00–08:30 Sundleikfimi (opið öllum)
Kl. 09:30- 12:30 Pútt
Kl. 09:00–12.30 Þríþraut
Kl. 09:00 -10:00 Ljósmyndamaraþoni lýkur
Kl. 09:00- 11:00 Kjötsúpugerð
Kl. 10:00 –12:00 Hjólreiðar (utanvegar 13 km)
Kl. 10:00–11:00 Söguganga um Vík í Mýrdal, lagt af stað frá íþróttahúsi (opið öllum)
Kl. 10:00–13:00 Frjálsar íþróttir
Kl. 11:30–13:30 Starfsíþróttir – pönnukökubakstur
Kl. 10:00–14.00 Ringó
Kl. 10:00–14:00 Skák
Kl. 14:00–14:30 Mótsslit (opið öllum)
08.05.2013 10:22
Búið að opna fyrir skráningu á Landsmót UMFÍ 50 +
Búið að opna fyrir skráningu á Landsmót UMFÍ 50 +
Kæru félagar
Eins og þið vitið þá verður Landsmót UMFÍ 50 + haldið helgina 7. – 9. júní í Vík í Mýrdal.
Við hvetjum ykkur til að taka þátt í þessu skemmtilega móti J og senda þessar upplýsingar á sem flesta. Allir geta tekið þátt í mótinu óháð félagsaðild að ungmennafélagi.
Mótið er íþrótta - og heilsuhátíð með fjölbreyttri dagskrá. Auk keppni í hinum ýmsu íþróttagreinum verður boðið upp á ýmsa afþreyingu fyrir keppendur og gesti. Hægt verið að fara í sögugöngu um Vík í Mýrdal, Zumba, sundleikfimi, kvöldvökur og enda kvöldið á dansleik. Því er óhætt að segja að eitthvað verður í boði fyrir alla.
Keppnisgreinar á mótinu eru: Utanvegarhlaup um náttúruperlur Mýrdals, boccia, bridds, golf, frjálsíþróttir, hestaíþróttir, línudans, pútt, ringó, skák, pönnukökubakstur, dráttavélaakstur, kjötsúpugerð, ljósmyndamaraþon,búfjárdómar, sund, sýningar, þríþraut og utanvegar hjólreiðar. Allir á aldrinum 50 ára og eldri geta tekið þátt í keppnisgreinum mótsins. Þátttakendur greiða eitt mótsgjald og öðlast með því þátttökurétt í öllum keppnisgreinum. Mótsgjald er 3500 krónur óháð greinafjölda. Skráning fer fram á heimasíðu mótsins www.landsmotumfi50.is.
Sjáumst á Landsmóti UMFÍ 50 + í Vík í Mýrdal 7. – 9. júní 2013 kát og hress :).
Mínar allra bestu kveðjur,
Sigurður Guðmundsson framkvæmdarstjóri Landsmóts UMFÍ 50 +
Frekari upplýsingar um mótið er að finna inn á www.landsmotumfi50.is eða senda póst á sigurdur@umfi.is sími: 568-2929
![]() |
05.05.2013 17:57
Fréttatilkynning FM2013
Fjórðungsmót hestamanna á Austurlandi verður haldið á félagssvæði Hornfirðings að Fornustekkjum í Nesjum, dagana 20. - 23. júní í sumar.
Hestamannafélaginu Kóp hefur verið boðin þátttaka.
Sjá fréttatilkynningu frá Hornfirðing hér að neðan:
15.04.2013 09:54
Úrslit í Firmakeppni Kóps 2013
Firmakeppni Kóps var haldin í dag á Syðri-Fljótum. Til stóð að halda keppnina á Sólvöllum en ákveðið var að færa keppnina í hús þar sem veðurspá var óhagstæð fyrir daginn. Þátttaka var ágæt og tókst keppnin í alla staði vel. Hross og knapar stóðu sig með prýði og þökkum við þeim fyrir þátttökuna og áhorfendum fyrir komuna.
Eftirtalin fyrirtæki og býli tóku þátt og færum við þeim bestu þakkir fyrir:
Arion banki
Auja og Siggi Heilsugæslunni
Bílaverkstæðið Kirkjubæjarklaustri
Búval ehf.
Dýralæknaþjónusta Suðurlands ( Lars Hansen.)
Efri-Ey 2
Fagurhlíð
Ferðaþjónustan Hunkubökkum
Fósturtalningar Ellu og Heiðu
Gröfuþjónusta Birgis Jónssonar
Heilsuleikskólinn Kæribær
Herjólfsstaðir
Hjúkrunarheimilið Klaustri
Hótel Geirland
Hótel Klaustur
Hótel Laki
Hörgsland 2
Jórvík 1
Kirkjubæjarklaustur 2
Kirkjubæjarstofa
Krónus (Palli og María )
Mýrar
Nonna og Brynjuhús
Prestsbakki
Skaftárhreppur
Systrakaffi
Tamningastöðin Syðri-Fljótum
Tjaldstæðið Kirkjubæ 2
Tjaldstæðið Kleifum
Þykkvibær 1
Þykkvibær 3
Úrslit urðu eftirfarandi:
Barnaflokkur:
1.sæti Svanhildur Guðbrandsdóttir á Eldingu f. Efstu-Grund
Firma: Hótel Klaustur.
2. sæti Sigurður Gísli Sverrisson á Moy Kong f. Mosfellsbæ
Firma: Tjaldsvæðið Kirkjubæ 2
3. sæti Svava Margrét Sigmarsdóttir á Fagra Blakk f. Ytri-Tungu
Firma: Efri-Ey 2
Unghrossaflokkur:
1.sæti Perla frá Hraunbæ. Eig. og knapi Hlynur Guðmundsson.
Firma: Hótel Laki
2.sæti Svarta Perla frá Fornusöndum. Eig. Magnús Geirsson. Knapi Svanhildur Guðbrandsd.
Firma: Tamningastöðin Syðri- Fljótum
3.sæti Askur frá Laugarbóli. Eig. Sævar Kristjánsson. Knapi Guðbrandur Magnússon.
Firma: Fósturtalningar Ellu og Heiðu.
Opinn flokkur:
1.sæti Þokki frá Efstu Grund. Eig. Kristín og Brandur. Knapi Kristín Lárusdóttir.
Firma: Þykkvibær 3
2.sæti Þyrla frá Böðmóðsstöðum 2 Eig. Hulda Karólína Harðardóttir. Knapi Hlynur Guðmundsson.
Firma: Tjaldstæðið Kleifum.
3. sæti Stormur frá Egilsstaðakoti. Eig. Kristín og Brandur. Knapi Svanhildur Guðbrandsdóttir.
Firma: Ferðaþjónustan Hunkubökkum.
4.sæti Blær frá Prestsbakka. Eig. Jón Jónsson og Ólafur Oddsson. Knapi Árni Gunnarsson.
Firma: Hótel Geirland.
5.sæti Kjarkur frá Vík Eig. Kristín og Brandur. Knapi Guðbrandur Magnússon.
Firma: Kirkjubæjarklaustur 2
12.04.2013 19:36
Firmakeppni Hestamannafélagsins Kóps 2013
Firmakeppni Hestamannafélagsins Kóps 2013
Minnum á firmakeppni Hestamannafélagsins Kóps sem haldinn verður á morgun, laugardaginn 13. apríl.
Keppni hefst klukkan 13:30 og keppt verður í eftirfarandi flokkum: Barna-, Unglinga-, Unghrossa- og Opnum flokki.
Firmanefnd hefur ákveðið að keppnin fari fram í
REIÐHÖLLINNI SYÐRI-FLjÓTUM
þar sem völlurinn á Sólvöllum er þakin snjó og veðurspá ekki góð fyrir laugardeginum.
Vinsamlegast látið þetta fréttast sem víðast.
Sjáumst,
Firmanefndin
10.04.2013 19:12
Halló, halló krakkar og foreldrar á félagssvæði Kóps.
Tilkynning frá æskulýðsnefnd.
Ákveðið hefur verið að aflýsa áður auglýstri sætaferð á Hestafjörið á Selfossi sem á að vera á sunnudaginn 14.apríl.
Öllum er samt heimilt að mæta á þessa sýningu, þar sem þetta er ekkert beintengt í gegnum félögin og bendi ég á auglýsingu á heimasíðu Kóps hmfkopur.123.is.
En í staðinn ætlum við að hafa Pizzufjör hér heima.
Það verður haldið á Systrakaffi strax eftir skóla núna á föstudaginn 12. apríl.
Við ætlum að fara í leiki, spurningakeppni,hafa smá fræðslu og éta alveg helling af pizzum. Frítt fyrir þá sem eru í félaginu og eru skuldlausir. Þeir sem ekki eru í félaginu og eiga ekki pabba eða mömmu í félaginu borga 1000 kr.
Og kæru foreldrar, þátttaka barnanna ykkar veltur á því hvort að þið getið sótt þau kl. 16:30 þegar fjörinu lýkur. Við sjáum um að allir sem taka þátt fylgist að á Systrakaffi að loknum skóla.
En til að vita nú hvað við þurfum að panta margar pizzur þarf að skrá sig í síðasta lagi um hádegi á fimmtudaginn 11.apríl hjá Stínu í síma 8693486 eða hjá Mæju í síma 8571973 En allir verða að hafa leyfi frá foreldrum.
Með kveðju
Stína, Mæja og Sissi.