Hestaþing og firmakeppni Kóps 2019 

 

Firmakeppni Hestamannafélagsins Kóps verður haldin á Sólvöllum í Landbroti föstudagskvöldið 26.júlí nk. kl. 19:00. Keppt verður í opnum flokki (minna og meira vanir) og unghrossaflokki.

Skráningar berist á netfangið hmf.kopur@gmail.com . Gott væri ef skráningar kæmu ekki seinna en á  þriðjudagskvöldið 23.júlí nk til að auðvelda alla vinnu. En líka verður hægt að skrá á staðnum.

Að firmakeppni lokinni ætlar Lilja Hrund Harðardóttir að vera með heimboð þar sem boðið verður upp á grill og með því.

 

 Hestaþing Hestamannafélagsins Kóps verður haldið 27.júlí nk. á Sólvöllum í Landbroti.

Mótið er opið í gæðingaflokkum, tölti og kappreiðum.

Keppt verður í eftirfarandi ef næg þátttaka næst:  

Polla-, barna-, unglinga- og ungmennaflokki og A- og B-flokki gæðinga.

Tölti T3 og T7.

 Vekjum athygli á T7 sem er nýleg keppnisgrein í tölti. Tveir - þrìr keppendur inn á og ridid undir stjórn þular. Sýnt er hægt tölt og tölt med frjálsum hrada.

100 m. flugskeiði, 150 m. skeiði, 300 m. brokki og 300 m. stökki.

Skráningargjöld í ungmennaflokk, A-flokk, B-flokk og tölt er kr. 3000.-

Engin skráningargjöld eru í kappreiðar, polla-, barna- og unglingaflokk.

Skráningargjöld greiðist inn á reikn: 0317-26-3478 kt: 440479-0579.

Kvittun sendist á netfangið hmf.kopur@gmail.com

Skráning telst ekki gild fyrr en greiðsla hefur borist.

Skráning er á heimasíðu Kóps (skráningarvefur hægra megin á síðunni) og henni lýkur kl. 23:59 þriðjudagskvöldið 23.júlí nk.

Skráningar í kappreiðar berist á netfangið hmf.kopur@gmail.com.

Ef vandamál koma upp við skráningu er hægt að hafa samband við Pálínu Pálsdóttur í síma 867-4919.

Óski einhver eftir að skrá í kappreiðar á staðnum þarf að hafa á reiðum höndum IS númer hestsins og kennitölu knapa.

Dagskrá og ráslistar verða birt  á heimasíðunni eftir að skráningu lýkur. http://hmfkopur.123.is/

Lög og reglur LH er hægt að finna á https://www.lhhestar.is/static/files/Log_LH/lh-log-og-reglur-2019.pdf

Þar eru allar reglur  í sambandi við gæðinga og íþróttakeppni. Td. hver er munur á T3 og T7, löglegan beislabúnað og margt fleira 

Hvetjum alla til að sækja LH Kappi appið. Þar er hægt að fylgjast með flestu sem viðkemur mótinu. Dagskrá, rásröð og niðurstöður

 

Hlökkum til að sjá sem flesta.

Fjáröflunar- og mótanefnd Kóps 2019.

Vinnukvöld á Sólvöllum

Fimmtudagskvöldið 25.júlí nk. er ætlunin að undirbúa og fegra svæðið fyrir mót og væri því gott að fá vinnufúsa félagsmenn á staðinn kl. 20:00 og síðar ef það hentaði einhverjum betur. Gott að taka með sér þetta hefðbundna, sleggju, hrífu, skóflu og sláttuorf, þeir sem eiga slíka græju.

Hressing í boði félagsins að loknu verki.

Stjórn og mótanefnd Kóps.

 

Hestaferð Kóps verður farin þriðju helgina í ágúst, dagana 16.-18. ágúst.

Stefnan er tekin á Meðallandið, gist verður í félagsheimilinu í Efri-Ey.

Takið dagana frá, nánari upplýsingar koma þegar nær dregur.

 

Ferðanefnd

 

Reiðskóli Hestamannafélagsins Kóps verður haldinn dagana 11-13. og 24 – 26. júní á Syðri-Fljótum.

Reiðkennarar verða Kristín Lárusdóttir og Svanhildur Guðbrandsdóttir. Reiðnámskeiðið er fyrir alla frá 6 ára aldri hvort sem þeir eru vanir eða óvanir.

Þátttökugjald fyrir krakka er kr. 8.000 og fyrir fullorðna kr. 16.000.

Þátttakendur þurfa að koma með taminn hest og reiðtygi.

Skráning er hjá Svanhildi í síma 8214725 eða á netfangið svanhildur00@gmail.com en skráningar þurfa að berast í síðasta lagi 9.júní nk.

 

Nánari upplýsingar og tímasetningar verða auglýstar síðar. Hlökkum til að sjá sem flesta (og vonumst til að sjá alla sem voru með í hestaklúbbnum í vetur!)

Fræðslunefnd Kóps

 

Fyrsti kvöldreiðtúr sumarsins var farinn í gærkvöldi, farið var frá Fljótum og að Hnausum í ljómandi fínu veðri.

Þetta var frábær reiðtúr í skemmtilegum félagsskap. Eftir reiðtúrinn bauð svo Fljótafjölskyldan uppá kaffi og meðlæti, við þökkum þeim kærlega fyrir það.   Sú ákvörðun var tekin að hafa stutt í næsta reiðtúr, hafa einn reiðtúr enn áður en kemur að slætti og sleppingum. Næsta mánudagskvöld verður því reiðtúr í Álftaverinu, lagt verður af stað frá Herjólfsstöðum klukkan 20 og tekinn reiðtúr um nágrennið. Hvetjum fólk til að járna og mæta, það verður svo kaffi á Herjólfsstöðum eftir reiðtúrinn.

 

Mánudagskvöldið 3. júní næstkomandi stendur til að fara fyrsta kvöldreiðtúr sumarsins.

Þetta verður með svipuðu sniði og var fyrir nokkrum árum, þar sem farið var í klukkustundar reiðtúra nokkrum sinnum yfir sumarið, um sveitina.

Eins og þá er reiknað með nokkrum reiðtúrum. Þetta er tilvalin upphitun fyrir félagsferðina í sumar sem að við vonumst til að sem flestir ætli að mæta í.

Rætt verður um reiðtúra sumarsins í þessum fyrsta reiðtúr og frekar upplýsingar um þá munu svo birtast hér á síðunni. Hvetjum við fólk að koma með hugmyndir að stöðum sem henta til útreiða og fólki langar til að koma á. Við erum opnar fyrir flestu.

Áætlað er að leggja af stað frá Fljótum klukkan 20:00. Hvetjum sem flesta til að járna og koma með okkur í ferðir um sveitina í sumar. Einnig hvetjum við áhugasama sem langar að koma með okkur en hafa ekki tök á að fara á hesti að koma með okkur á bíl og eiga með okkur skemmtilegar stundir.

Með von um að sem flestir mæti.

Svanhildur og Adda

 

Fjórðungsmót á Austurlandi  11. - 14. júlí 2019 - FM2019

 

Hestamannafélagið Hornfirðingur hefur boðið hestamannafélaginu Kóp að taka þátt á Fjórðungsmóti Austurlands að Fornustekkum í Hornafirði.

 Keppt verður í eftirtöldum keppnisgreinum á FM2019:

 • Gæðingakeppni A-flokkur, (3 flokkar) FM-úrtaka, Áhugamanna- og ungmennaflokkur

• Gæðingakeppni B-flokkur, (2 flokkar) FM-úrtaka og Áhugamannflokkur

 • Barna-, Unglinga- og Ungmennaflokkur, FM-úrtaka/Opið

• Tölti (T1), Opinn flokkur

• Tölt (T3) Áhugamenn 21 árs og eldri, og 20 ára og yngri

 • Kappreiðar: 100m fljúgandi skeiði, 350m stökk og 500m brokk

Til að auka þátttöku í keppni  hefur verið ákveðið að hafa alla flokka opna nema í  A og B flokk.

Stjórn Kóps hefur ákveðið að til að keppa í A og B flokk fyrir Kóp þá þarf hestur í eigu Kópsfélaga að fara í úrtöku á viðurkenndu gæðingamóti og senda inn til formanns staðfestingu á einkunn.

Til að geta keppt á Fjórðungsmóti þá þarf lágmarkseinkunn í úrtöku að vera 8,0.

Kópur á rétt á að senda 4 í hvorn flokk.

 

Með bestu kveðju og von um góða þáttöku

Stjórn Kóps

 

 

Aðalfundur Hestamannafélagsins Kóps 2019

 

Aðalfundur Hestamannafélagsins Kóps verður haldinn í Tunguseli 20.mars nk. kl. 19:00.

Venjuleg aðalfundarstörf. Dagskrá samkvæmt lögum félagsins.

 

Súpa og brauð í boði félagsins að loknum fundi.

 

Hvetjum félagsmenn til að fjölmenna á fundinn.

 

Nýjir félagar eru velkomnir!

Stjórnin

 

Hestamannafélagið Kópur auglýsir námskeið á döfinni veturinn 2019

Stefnt er að því að halda járningarnámskeið með Sigurði Torfa Sigurðssyni járningameistara á Syðri-Fljótum dagana 18.-20.janúar nk. ef næg þátttaka næst. Uppsetning námskeiðsins verður líklega bókleg kennsla e.t.v. á föstudagskvöldinu og svo sýnikennsla og verkleg kennsla dagana þar á eftir. Verð á námskeiðinu miðast við fjölda þátttakenda en verði skráðir 6 þátttakendur er verðið ca. 30.000 kr á mann, verði 12 þátttakendur er verðið ca. 20.000 kr á mann.

Einnig er stefnt að því að halda reiðnámskeið með Heklu Katharínu Kristinsdóttur reiðkennara frá Háskólanum á Hólum á Syðri-Fljótum dagana 8.-10.febrúar nk. ef næg þátttaka næst. Hámarksfjöldi þátttakenda er 10 manns og verð fyrir námskeiðið er ca. 17.250 kr á mann. Áætlað er að hver nemandi fái reiðkennslu samtals í 2,5 klst þessa daga. Þetta er mjög veglegt námskeið og ætti að geta verið mjög áhrifaríkt. Svo fá þátttakendur einnig mikið út úr því að fylgjast með öðrum á námskeiðinu og læra af því sem lagt er fyrir hvern og einn.

Nánari upplýsingar um námskeiðin verða auglýstar þegar nær dregur og þegar vitað verður um þátttöku. Þeir sem hafa áhuga á því að skrá sig eru beðnir um að hafa samband við Pálínu í síma 867-4919 eða í netfangið hmf.kopur@gmail.com sem fyrst, svo við vitum hvort þátttaka verði næg til þess að hægt sé að halda námskeiðin.

Stjórn Hmf. Kóps.

Frumtamninganámskeið verður haldið á Syðri-Fljótum helgina 30.nóv-2.des ef næg þátttaka næst.

Kennarar verða Hlynur Guðmundsson og Bjarney Jóna Unnsteinsdóttir reiðkennarar frá Háskólanum á Hólum.

Stefnt er að því að vera með sýnikennslu á föstudagskvöldinu og svo kæmu þátttakendur með sín eigin tryppi á laugardeginum og sunnudeginum. Tryppin þurfa að vera lítillega bandvön.

Námskeiðsgjald fyrir alla helgina er 20.000 kr. 

Nánari upplýsingar og tímasetningar verða auglýstar þegar nær dregur. Þeir sem hafa áhuga á því að skrá sig eru beðnir um að hafa samband við Öddu í síma 866-5165 eða í netfangið adda159@gmail.com sem fyrst, svo við vitum hvort þátttaka verður næg til þess að hægt sé að halda námskeiðið.

Stjórn Hmf. Kóps.

Vegna óviðráðanlegra aðstæðna hefur verið tekin sú ákvörðun að fresta folalda- og tryppasýningu Hestamannafélagsins Kóps, sem halda átti laugardaginn 10.nóvember nk. um óákveðinn tíma. Nánari dagsetning verður auglýst síðar á heimasíðu og á facebooksíðu Hestamannafélagsins Kóps. Stjórn Hmf.Kóps

 

Árleg folalda- og tryppasýning verður haldin á Syðri-Fljótum laugardaginn 10.nóvember nk. og hefst kl. 13:00. Keppt verður í folaldaflokki (hestar og hryssur) og tryppaflokki fæddum 2017 og 2016 (hestar og hryssur).  Einnig verður valinn eigulegasti gripurinn að mati áhorfenda í báðum flokkum.

Skráningar þurfa að berast til Pálínu í síma 867-4919 eða á netfangið hmf.kopur@gmail.com í síðasta lagi kl. 21:00 föstudagskvöldið 9.nóvember nk.

Á sýningunni verður einnig boðið upp á happdrætti og eru allir sem mæta þátttakendur í því!

Súpa og kaffi verða í boði að sýningu lokinni gegn vægu gjaldi.

Allir eru velkomnir!

Stjórn Hestamannafélagins Kóps

Hér koma nokkrar myndir af verðlaunaafhendingu.

A-flokkur

B-flokkur og Ungmennaflokkur

 

Tölt T3

150 metra skeið   100 metra flugskeið

 

Fegursti gæðingur Kóps þetta árið er Aðgát frá Víðivöllum fremri.

 

Aðgát er undan stólpagæðingnum Gaum frá Auðsholtshjáleigu og Blængsdótturinni Vörðu frá Víðivöllum fremri.

 

Ræktandi Aðgátar er Jósef Valgarð og eigendur eru Kristín Lárusdóttir og Guðbrandur Magnússon.

 

Kristín og Aðgát hafa verið að gera það gott í keppni og unnu bæði tölt og B-flokk á Hestaþinginu þetta árið.

 

 

Eftirtaldir aðilar styrktu Hestaþing Kóps 2018;

 

Hótel Laki

Systrakaffi

Kjarval

Ölgerðin

Kjarnafæði

 

Við þökkum kærlega fyrir veittan stuðning!