Páskabingó Hestamannafélagsins Kóps

verður haldið í Félagsheimilinu Kirkjuhvoli laugardaginn fyrir páska,

þann 15. apríl nk. og hefst kl. 14:00.

Góðir vinningar,t.d. páskaegg!! og margt,margt fleira. Spjaldið kostar 750 kr.

Hluti ágóðans rennur til styrktar góðu málefni.

Ath. ekki posi á staðnum.

Allir velkomnir.

Fjáröflunarnefnd Hestamannafélagsins Kóps.

Hestamannafélagið Kópur auglýsir.

Fyrirlestur um líkamsbeitingu knapans með Heiðrúnu Halldórsdóttur pílates dressage instructur, verður haldin á Kirkjubæjarstofu  laugardagskvöldið 25.mars næstkomandi  kl 20:00.

Heiðrún er sérhæfður kennari í líkamsbeitingu knapans til að ná betri árangri í reiðmennsku og að hafa áhrif á betri líkamsbeitingu hestsins.

Allir hjartanlega velkomnir.

Hestamannfélagið Kópur.

FEIF Youth Camp sumarbúðirnar verða haldnar dagana 11. - 18. júlí 2017 í St-Truiden í Belgíu. Þetta eru sumarbúðir fyrir hestakrakka á aldrinum 14-17 ára á árinu og markmið þeirra er að kynna krakka frá aðildarlöndum FEIF fyrir (hesta)menningu annara þjóða og að hitta ungt fólk með sama áhugamál.

Þema FEIF Youth Camp í ár er "hestur og vagn".

Belgíska Íslandshestasambandið er það minnsta innan FEIF og það eru sjálfboðaliðar í æskulýðsstarfinu þar sem skipuleggja viðburðinn. Það sem verður meðal annars á dagskrá:

• Heimsókn á bú þar sem ræktaðir eru Brabant hestar
• Sýnikennsla/kynning á vinnu með dráttarhesta
• Sýnikennsla/kennsla á jafnvægi knapa og ásetu (centered riding)
• Fræðsla um tannheilsu hesta
• Vinna með hest í tvítaum
• Sögufræg borg heimsótt
• Skemmtigarður heimsóttur - Bobbejaanland
• Ferð í hestvagni
• Og margt fleira....!

Umsóknarfrestur um að fara út fyrir Íslands hönd er til 3. apríl 2017 og skulu umsóknirnar berast á netfangið hilda@lhhestar.is fyrir þann tíma.

Umsóknareyðublað er að finna á vef LH, www.lhhestar.is undir "Æskan". Þar er að finna bæði pdf og Excel skrá. Einnig hægt að nálgast umsóknina með því að smella hér. 

Kostnaður við búðirnar er ?680 (ca. 78.000 í dag), en inní því er fæði, uppihald og allar ferðir og afþreying í Belgíu. Flug út til Brussel, vasapeningur og annað er ekki innifalið.

Skrifstofa LH veitir allar nánari upplýsingar í síma 514 4030 eða í gegnum netfangið hilda@lhhestar.is.  

Frétt á heimasíðu Landssambands Hestamannafélaga: 
http://www.lhhestar.is/is/moya/news/feif-youth-camp-2017

Aðalfundur Hestamannafélagsins Kóps

ath. ný dagsetning og fundarstaður.

verður haldinn á Kirkjubæjarstofu mánudaginn 6.mars n.k. kl. 20:30

Venjuleg aðalfundarstörf.

Lagabreytingar.

Önnur mál.

Kaffiveitingar í boði félagsins.

Hvetjum félagsmenn til að fjölmenna á fundinn og nýir félagar velkomnir.

Stjórnin.

Vegna slæmrar veðurspár og annarra óviðráðanlegra aðstæðna hefur verið tekin sú ákvörðun að fresta aðalfundi Hestamannafélagsins Kóps, sem halda átti föstudagskvöldið 24.febrúar, um óákveðinn tíma. Nánari dagsetning verður auglýst síðar á heimasíðu og á facebook-síðu Hestamannafélagsins Kóps.

Stjórn Hmf.Kóps

Folöld:

Hryssur:

1.Gyðja brún, f. Prestsbakka

 F: Hrannar f. Flugumýri M: Gleði  f. Prestsbakka. Eig: Ólafur Oddson og Jón Jónsson.

2. Hlökk rauðstj/glófext, f. Jórvík 1

F: Sómi f. Reykjavík M: Þoka f. Kanastöðum. Eig: Ásgerður Gróa Hrafnsdóttir.

3. Fjóla ljósrauð, f. Geirlandi

F: Ómur f. Kvistum M: Eldglóð f. Álfhólum. Eig: Gísli Kjartansson/ Geirland ehf.

Hestar:

1.Eðall bleikálóttur, f. Syðri-Fljótum

F: Þytur f. Neðra-Seli  M: Elka f. Króki. Eig: Kristín Lárusd. Og Guðbrandur Magnússon.

2. Ránar jarpur f. Jórvík 1

F: Sómi f. Reykjavík M: Rán f. Reykjavík Eig: Ásgerður Gróa Hrafnsdóttir.

3. NN.  Rauðstjörnóttur f. Jórvík 1

 F: Vákur f. Vatnsenda M: Drótt f. Reykjavík. Eig: Leó Geir Arnarson.

Trippi:

Hryssur:

1.Stjörnuglóð rauðstjörnótt, f. Geirlandi

F: Konsert f. Korpu M: Eldglóð f. Álfhólum Eig: Sigurlaugur G. Gíslason.

2.Embla brún, f. Syðri-Fljótum

F: Konsert f. Korpu, M: Elka f. Króki  Eig: Kristín Lárusdóttir og Guðbrandur Magnússon.

3.Ugla jörp, f. Geirlandi

F: Aðall f. Nýjabæ M: Snerra f. Hala Eig: Gísli Kjartansson.

Hestar:

1.Straumur brúnn, f. Laugardælum

F: Sær f. Bakkakoti M: Stroka f. Laugardælum. Eig: Kristín Lárusdóttir og Guðbrandur Magnússon.

Dómarar voru Gísli Guðjónsson og  Kristinn Guðnason. Við færum þeim bestu þakkir fyrir þeirra störf.

Áhorfendur fengu að velja með kosningu, eigulegust gripina að þeirra mati , og voru það Eðall f. Syðri-Fljótum og Straumur f. Laugardælum.

Að lokum,bestu þakkir til allra þátttakenda og annara gesta sem komu á sýninguna og gerðu daginn að skemmtilegum viðburði hjá félaginu. Gaman væri að fá fleiri til þátttöku í trippaflokknum. Þar komu aðeins þessi fjögur trippi.

Sjáumst að ári.

Stjórn Kóps

verður haldin á Syðri - Fljótum laugardaginn 12. nóv. n.k og hefst kl. 13:00.

Keppt verður í folaldaflokki (hestar og hryssur)

og trippaflokki f. 2015 og 2014 (hestar og hryssur).

Skráninargjald kr. 1500 á hvern grip.

Veitt verða sérstök verðlaun fyrir eigulegasta gripinn að mati áhorfenda, í báðum flokkum.

Skráningar þurfa að berast í síma 8693486 eða á netfangið sigmarhelga@simnet.is

í síðasta lagi fyrir kl. 21:00 á föstudagskvöldið 11. nóvember.

Súpa og kaffi verða á boðstólum í lokin, gegn vægu gjaldi sem rennur í sjóð félagsins.

Allir velkomnir.

Stjórnin.

Félagsfundur verður haldinn miðvikudaginn 2. nóv. n.k. kl.20:30 í Kirkjubæjarskóla

Dagskrá fundarins:

Kynning á drögum að deiliskipulagi fyrir mótssvæðið á Stjórnarsandi.

Nánari útfærsla samkvæmt áliti félagsmanna og ákvörðun félagsfundar í des. 2015.

Önnur mál.

Skorum á félagsmenn að mæta og kynna sér skipulagið og tjá sína skoðun á því.

Stjórnin.

Framlengdur skráningarfrestur.

Skráningarfrestur á Hestaþing Kóps 14.ágúst n.k. framlengist til miðnættis í kvöld fimmtudag 11.ágúst.

Stjórn og mótanefnd Kóps

Vinnukvöld á Sólvöllum.

Vinnufúsir félagsmenn og aðrir sjálfboðaliðar óskast á mótssvæðið á Sólvöllum fimmtudagskvöldið 11. ágúst n.k. kl. 18:00, og síðar ef einhverjum hentar það betur. Ætlum að snyrta og undirbúa svæðið fyrir mót. Gott að þeir sem eiga sláttuorf gætu tekið það með sér. Síðan þetta venjulega hrífu, skóflu,sleggju ofl.

Hressing að loknu verki.

Stjórn og mótanefnd.

Hestamannamót Kóps 2016

verður haldið á Sólvöllum í Landbroti sunnudaginn 14.ágúst n.k. og hefst kl. 10:00 með setningu mótsins.

Mótið er opið í A- og B-fl. og Tölti.

Dagskrá verður eftirfarandi:

-Forkeppni  í  B-fl.(opinn öllum), barnafl.,  unglingafl., ungmennafl. og A-fl. (opinn öllum).

-Forkeppni í tölti. (opin öllum).

-Matarhlé. 

Úrslit:

-Pollaflokkur

-Úrslit í B-fl., barnafl., unglingafl., ungmennafl., og A-flokk.

-Úrslit í tölti.

Kappreiðar:

 -150 m. skeið

 - 300 m. brokk

 - 300 m. stökk

 -100 m. skeið.

Skráningargjöld  fyrir ungmenna-A-og  B-flokk og Tölt  eru 3000 kr. á hest og 1500 kr. á hest  í

100m. skeið. Skráningargjöldin  greiðast inná reikn. 0317-26-3478 kt: 440479-0579. Kvittun sendist á netfangið palinapalsd@hotmail.com  Skráning telst ekki gild fyrr en greiðsla hefur borist. Engin skráningargjöld eru í kappreiðar og barna og ungl.fl.

Skráning er á heimasíðu Kóps,www. hmfkopur.123.is (Skráningarvefur hægramegin á síðunni) og henni  lýkur kl. 23:59 miðvikudaginn 10.ágúst. Ef vandamál koma upp við skráningu eða ef eitthvað er óljóst, er hægt að hafa samband við Pálínu Pálsdóttir í síma 8674919.

Óski einhverjir eftir að skrá í kappreiðar á staðnum, þarf að hafa á reiðum höndum IS númer hestsins og  kennitölu knapa.

Ef breytingar verða á dagskrá verður það auglýst nánar og einnig birt á heimasíðu Kóps www.hmfkopur.123.is sem og aðrar nýjar upplýsingar um mótið ef einhverjar eru.

Vonumst til að sjá sem flesta í brautinni og brekkunni og að allir geti átt ánægjulegan dag með okkur.