verður haldin á Syðri - Fljótum laugardaginn 12. nóv. n.k og hefst kl. 13:00.

Keppt verður í folaldaflokki (hestar og hryssur)

og trippaflokki f. 2015 og 2014 (hestar og hryssur).

Skráninargjald kr. 1500 á hvern grip.

Veitt verða sérstök verðlaun fyrir eigulegasta gripinn að mati áhorfenda, í báðum flokkum.

Skráningar þurfa að berast í síma 8693486 eða á netfangið sigmarhelga@simnet.is

í síðasta lagi fyrir kl. 21:00 á föstudagskvöldið 11. nóvember.

Súpa og kaffi verða á boðstólum í lokin, gegn vægu gjaldi sem rennur í sjóð félagsins.

Allir velkomnir.

Stjórnin.

Félagsfundur verður haldinn miðvikudaginn 2. nóv. n.k. kl.20:30 í Kirkjubæjarskóla

Dagskrá fundarins:

Kynning á drögum að deiliskipulagi fyrir mótssvæðið á Stjórnarsandi.

Nánari útfærsla samkvæmt áliti félagsmanna og ákvörðun félagsfundar í des. 2015.

Önnur mál.

Skorum á félagsmenn að mæta og kynna sér skipulagið og tjá sína skoðun á því.

Stjórnin.

Framlengdur skráningarfrestur.

Skráningarfrestur á Hestaþing Kóps 14.ágúst n.k. framlengist til miðnættis í kvöld fimmtudag 11.ágúst.

Stjórn og mótanefnd Kóps

Vinnukvöld á Sólvöllum.

Vinnufúsir félagsmenn og aðrir sjálfboðaliðar óskast á mótssvæðið á Sólvöllum fimmtudagskvöldið 11. ágúst n.k. kl. 18:00, og síðar ef einhverjum hentar það betur. Ætlum að snyrta og undirbúa svæðið fyrir mót. Gott að þeir sem eiga sláttuorf gætu tekið það með sér. Síðan þetta venjulega hrífu, skóflu,sleggju ofl.

Hressing að loknu verki.

Stjórn og mótanefnd.

Hestamannamót Kóps 2016

verður haldið á Sólvöllum í Landbroti sunnudaginn 14.ágúst n.k. og hefst kl. 10:00 með setningu mótsins.

Mótið er opið í A- og B-fl. og Tölti.

Dagskrá verður eftirfarandi:

-Forkeppni  í  B-fl.(opinn öllum), barnafl.,  unglingafl., ungmennafl. og A-fl. (opinn öllum).

-Forkeppni í tölti. (opin öllum).

-Matarhlé. 

Úrslit:

-Pollaflokkur

-Úrslit í B-fl., barnafl., unglingafl., ungmennafl., og A-flokk.

-Úrslit í tölti.

Kappreiðar:

 -150 m. skeið

 - 300 m. brokk

 - 300 m. stökk

 -100 m. skeið.

Skráningargjöld  fyrir ungmenna-A-og  B-flokk og Tölt  eru 3000 kr. á hest og 1500 kr. á hest  í

100m. skeið. Skráningargjöldin  greiðast inná reikn. 0317-26-3478 kt: 440479-0579. Kvittun sendist á netfangið palinapalsd@hotmail.com  Skráning telst ekki gild fyrr en greiðsla hefur borist. Engin skráningargjöld eru í kappreiðar og barna og ungl.fl.

Skráning er á heimasíðu Kóps,www. hmfkopur.123.is (Skráningarvefur hægramegin á síðunni) og henni  lýkur kl. 23:59 miðvikudaginn 10.ágúst. Ef vandamál koma upp við skráningu eða ef eitthvað er óljóst, er hægt að hafa samband við Pálínu Pálsdóttir í síma 8674919.

Óski einhverjir eftir að skrá í kappreiðar á staðnum, þarf að hafa á reiðum höndum IS númer hestsins og  kennitölu knapa.

Ef breytingar verða á dagskrá verður það auglýst nánar og einnig birt á heimasíðu Kóps www.hmfkopur.123.is sem og aðrar nýjar upplýsingar um mótið ef einhverjar eru.

Vonumst til að sjá sem flesta í brautinni og brekkunni og að allir geti átt ánægjulegan dag með okkur.

Farið verður í hestaferð Kóps dagana 19.-21. ágúst og verður haldið í Meðallandið í þetta sinn. Gist verður í Félagsheimilinu í Efri-Ey.
Ferðin verður nánar auglýst síðar. :)

Kv. Ferðanefnd Kóps

Reiðskóli Hestamannafélagsins Kóps
verður haldin á Syðri - Fljótum dagana 8, 9, 10. júní (miðvikud. - föstudag) og 13, 14 og 15. júní (mánud. til miðvikudags), kennt verður á kvöldin.
ATH. Þetta er eitt námskeið

Þátttökugjald er 15.000 kr. og 10.000 kr. fyrir Kópsfélaga   

Æskilegt er að þátttakendur komi með hest og reiðtygi.

Kennari verður Arnhildur Helgadóttir, nánari upplýsingar og skráning á netfangið arnhildurhe@gmail.com eða í síma 866-1382 fyrir 6. júní.

Reiðnámskeiðið er fyrir alla frá 6 ára aldri og hlökkum til að sjá sem flesta

Fyrir hönd hestamannafélagsins,
Arnhildur og Jóna

Kópsfélagar A.T.H.

Úrtaka hjá Hmf. Kópi fyrir Landsmót 2016 verður á Sindravelli við Pétursey 11.júní n.k.

Hmf. Kópur á rétt á að senda einn keppanda í hvern flokk og gildir hæsta einkunn úr forkeppni.

Þeir sem hugsa sér að mæta með hross í úrtöku vinsamlegast hafið samband við formann Kóps, Kristínu Ásgeirsd. í síma 8693486 eða á netfangið sigmarhelga@simnet.is , til að fá nánari upplýsingar.

Stjórn Kóps.

BENNI´S HARMONY HNAKKAKYNNING Á SYÐRI-FLJÓTUM

Föstudaginn 26.febrúar kl. 16:00 - 18:00 verður Benedikt Líndal með hnakkakynningu.
Hægt að skoða og prófa nýja PORTOS FREEDOM tvískipta hnakkinn frá Benni´s Harmony ásamt fleiri gerðum. 
Tilvalið að nota tækifærið ef þú ert í hnakkakaupahugleiðingum og koma með eigin hest og prófa á honum. Það verður líka hægt að fá lánaðan hest á Fljótum til að prófa hnakka.

Mikil stemning er fyrir Ísköldum töltdívum og sjáum við fram á frábært mót til styrktar Landsliði Íslands í hestaíþróttum.

Glæsilegir aukavinningar verða í boði ásamt því að sigurvegari opins flokks hlýtur þátttökurétt á Allra sterkustu 26. mars næstkomandi.

Einnig verður glæsilegasta parið valið.

Í ár verða keppnisgreinarnar eftirfarandi:

• T1 (Opinn flokkur)
• T3 (Meira vanar)
• T7 (Minna vanar)
• T3 (Ungmennaflokkur (18-21 árs))
•  

Keppnin hefst með forkeppni, að henni lokinni verður skemmtiatriði í hléi og svo taka úrslitin við. 

Úrslitin hefjast kl. 20:00

Skráning er á http://skraning.sportfengur.com/Skraningkort.aspx?mode=add

Skráningargjaldið er kr. 6.000. Takmarkaður fjöldi skráninga! 

Allur ágóði af mótinu fer til styrktar landsliði Íslands í hestaíþróttum sem keppir á Norðurlandamótinu í Biri í Noregi í sumar. 

Landsliðsnefnd LH

Frumtamninganámskeið verður haldið helgina 6-7.febrúar að Syðri-Fljótum og kennari verður Kristín Lárusdóttir.

Fyrirkomulagið er þannig að þátttakendur mæta með sín eigin trippi. Það vinna tveir og tveir saman og hver tekur sitt trippi en það yrði þá hjálpast að með þau. Þeir yrðu ca. eina klst með þessi tvö trippi bæði laugardag og sunnudag. Síðan yrðu trippin tekin aftur þrjú kvöld í vikunni eftir eða þegar tími hentar. Gott væri ef menn myndu fylgjast með þegar hinir væru að taka sín trippi.

Þetta gera þá fimm skipti á mann og verðið er kr 15.000.