Firmakeppni Kóps var haldin í dag á Syðri-Fljótum. Til stóð að halda keppnina á Sólvöllum en ákveðið var að færa keppnina í hús þar sem veðurspá var óhagstæð fyrir daginn. Þátttaka var ágæt og tókst keppnin í alla staði vel. Hross og knapar stóðu sig með prýði og þökkum við þeim fyrir þátttökuna og áhorfendum fyrir komuna.
 

Eftirtalin fyrirtæki og býli tóku þátt og færum við þeim bestu þakkir fyrir:

Arion banki

Auja og Siggi Heilsugæslunni

Bílaverkstæðið Kirkjubæjarklaustri

Búval ehf.

Dýralæknaþjónusta Suðurlands ( Lars Hansen.)

Efri-Ey 2

Fagurhlíð

Ferðaþjónustan Hunkubökkum

Fósturtalningar Ellu og Heiðu

Gröfuþjónusta Birgis Jónssonar

Heilsuleikskólinn Kæribær

Herjólfsstaðir

Hjúkrunarheimilið Klaustri

Hótel Geirland

Hótel Klaustur

Hótel Laki

Hörgsland 2

Jórvík 1

Kirkjubæjarklaustur 2

Kirkjubæjarstofa

Krónus (Palli og María )

Mýrar

Nonna og Brynjuhús

Prestsbakki

Skaftárhreppur

Systrakaffi

Tamningastöðin Syðri-Fljótum

Tjaldstæðið Kirkjubæ 2

Tjaldstæðið Kleifum

Þykkvibær 1

Þykkvibær 3

 

Úrslit urðu eftirfarandi:

 

Barnaflokkur:

1.sæti Svanhildur Guðbrandsdóttir á Eldingu f. Efstu-Grund

Firma: Hótel Klaustur.
 

2. sæti Sigurður Gísli Sverrisson á Moy Kong f. Mosfellsbæ

Firma: Tjaldsvæðið Kirkjubæ 2

 

3. sæti Svava Margrét Sigmarsdóttir á Fagra Blakk f. Ytri-Tungu

Firma: Efri-Ey 2

 

Unghrossaflokkur:

1.sæti  Perla frá Hraunbæ. Eig. og knapi Hlynur Guðmundsson.

Firma: Hótel Laki
 

2.sæti  Svarta Perla frá Fornusöndum. Eig. Magnús Geirsson. Knapi Svanhildur Guðbrandsd.

Firma: Tamningastöðin Syðri- Fljótum
 

3.sæti  Askur frá Laugarbóli. Eig. Sævar Kristjánsson. Knapi Guðbrandur Magnússon.

Firma: Fósturtalningar Ellu og Heiðu.

 

Opinn flokkur:
 

1.sæti  Þokki frá Efstu Grund. Eig. Kristín og Brandur. Knapi Kristín Lárusdóttir.

Firma: Þykkvibær 3
 

2.sæti  Þyrla frá Böðmóðsstöðum 2 Eig. Hulda Karólína Harðardóttir. Knapi Hlynur Guðmundsson.

Firma: Tjaldstæðið Kleifum.
 

3. sæti  Stormur frá Egilsstaðakoti. Eig. Kristín og Brandur. Knapi Svanhildur Guðbrandsdóttir.

Firma: Ferðaþjónustan Hunkubökkum.
 

4.sæti  Blær frá Prestsbakka. Eig. Jón Jónsson og Ólafur Oddsson. Knapi Árni Gunnarsson.

Firma: Hótel Geirland.
 

5.sæti  Kjarkur frá Vík Eig. Kristín og Brandur. Knapi Guðbrandur Magnússon.

Firma: Kirkjubæjarklaustur 2

Firmakeppni Hestamannafélagsins Kóps 2013

Minnum á firmakeppni Hestamannafélagsins Kóps sem haldinn verður á morgun, laugardaginn 13. apríl. 

Keppni hefst klukkan 13:30 og keppt verður í eftirfarandi flokkum:  Barna-, Unglinga-, Unghrossa- og Opnum flokki.

 

Firmanefnd hefur ákveðið að keppnin fari fram í

REIÐHÖLLINNI SYÐRI-FLjÓTUM

þar sem völlurinn á Sólvöllum er þakin snjó og veðurspá ekki góð fyrir laugardeginum.

 

Vinsamlegast látið þetta fréttast sem víðast.

Sjáumst,

Firmanefndin

Tilkynning frá æskulýðsnefnd.

Ákveðið hefur verið að aflýsa áður auglýstri sætaferð á Hestafjörið á Selfossi sem á að vera á sunnudaginn 14.apríl.
Öllum er samt heimilt að mæta á þessa sýningu, þar sem þetta er ekkert beintengt í gegnum félögin og bendi ég á auglýsingu á heimasíðu Kóps hmfkopur.123.is.

En í staðinn ætlum við að hafa Pizzufjör hér heima. 
Það verður haldið á Systrakaffi strax eftir skóla núna á föstudaginn 12. apríl.

Við ætlum að fara í leiki, spurningakeppni,hafa smá fræðslu og éta alveg helling af pizzum. Frítt fyrir þá sem eru í félaginu og eru skuldlausir. Þeir sem ekki eru í félaginu og eiga ekki pabba eða mömmu í félaginu borga 1000 kr. 

Og kæru foreldrar, þátttaka barnanna ykkar veltur á því hvort að þið getið sótt þau kl. 16:30 þegar fjörinu lýkur. Við sjáum um að allir sem taka þátt fylgist að á Systrakaffi að loknum skóla.

En  til að vita nú hvað við þurfum að panta margar pizzur þarf að skrá sig í síðasta lagi um hádegi á fimmtudaginn 11.apríl hjá Stínu í síma 8693486  eða hjá Mæju í síma 8571973 En allir verða að hafa leyfi frá foreldrum.

Með kveðju
Stína, Mæja og Sissi.

Laugardaginn 13. apríl verður Firmakeppni Hestamannafélagsins Kóps haldin á Sólvöllum.

 

Keppni hefst kl. 13:30 og keppt verður í eftirfarandi flokkum:

Barna-, unglinga-, unghrossa- og opnum flokki.

 

Skráningar þurfa að berast í síðasta lagi fimmtudaginn 11. apríl til Sigurðar Hörgslandi II, Fanneyjar Ólafara Kirkjubæjarklaustri II eða Pálínu Mýrum.

 

Sigurður: horgsland2@simnet.is eða 861 9081

Fanney Ólöf: fanneyolof@gmail.com eða 894 1560

Pálína: palinapalsd@hotmail.com eða 867 4919

 

Bestu kveðjur, 

Firmanefnd

Páskabingó Kóps var haldið s.l. laugardag. Þar mætti fjöldi fólks og freistaði gæfunnar en hún er eins og vant er mismunandi hliðholl fólki.

Þökkum við öllum kærlega fyrir komuna og þátttökuna.

Fjölmargir styrktu félagið með því að gefa vinninga og færum við þeim  bestu þakkir fyrir en það eru eftirtaldir:

 

Soffía Gunnarsdóttir Jórvík 1

Ásgerður Gróa Hrafnsdóttir Jórvík 1

Fjóla Þorbergsdóttir Klaustri

Systrakaffi ehf.

Icelandair Hótel Klaustur

Mjólkursamsalan ehf.

Hótel Geirland

Hótel Laki

Íþróttamiðstöðin Klaustri

Verslunin Baldvin og Þorvaldur Selfossi

Sælgætisgerðin Góa ehf.

Arion Banki Klaustri

 

Með kveðju

Fjáröflunarnefnd Kóps.

Skýrari mynd af vinningaskrá í happdrætti Kóps.

 

 1.  Folatollur undir Klæng frá Skálakoti.

 2.  2 kg. humar í skel.

 3.  Folatollur undir Storm frá Herríðarhóli.

 4.  Gjafakort kr. 15.000 þús.

 5.  Folatollur undir Trausta frá Blesastöðum 1A

 6.  Folald fætt 2013 frá Jórvík 1 undan Hagen frá Reyðarfirði.

 7.  Gjafabréf frá Icelandair Hótel Reykjavík Natura.

 8.  Folatollur undir Glað frá Prestsbakka.

  9.  Handprjónuð lopapeysa að eigin vali.

10.  Folatollur undir Freymóð frá Feti.

11.  2 kg. humar í skel.

12.  Folatollur undir Borða frá Fellskoti.

13.  Gjafakort kr. 15.000 þús.

14.  Folatollur undir Þröst frá Hvammi.

15.  Black og Decker juðari frá Húsasmiðjunni.

16.  Folatollur undir Óðinn frá Eystra-Fróðholti.

17.  Gjafabréf frá Icelandair Hótel Reykjavík Natura.

18.  Folatollur undir Sævar frá Ytri-Skógum.

19.  Flís hestaábreiða frá Líflandi.

20.  Folatollur undir Hruna frá Breiðumörk.

 

Miðarnir eru  til sölu nú þegar hjá Kristínu á Skriðuvöllum 5 og verða síðan boðnir til sölu  á ýmsum stöðum.

 

Stjórnin.

Nú er komið að sölu á happdrættismiðum fyrir Kóp!

Miða er hægt að panta hjá Kristínu Ásgeirsdóttur í síma 8693486 eða á sigmarhelga@simnet.is.

Kæri/kæru félagsm. í Kóp.

 

Nú ætlum við í æskulýðsnefnd Kóps að leyfa ykkur að heyra hvað við höfum uppá að bjóða fyrir krakka og unglinga í Kóp, á næstunni.

Fyrst er reiðnámskeið sem er 1x í viku í 4 skipti. Fyrsta skipti 22.mars . Já, við vitum að þetta er stuttur fyrirvari en ekki er orðið auðvelt að finna pláss á dagatalinu fyrir afþreyingu þannig að ekki stangist á við annað.

Firmakeppni er 13.apríl þar sem keppt er í barna og unglingaflokk.

Sunnudaginn 14. apríl er fyrirhuguð skemmtiferð fyrir krakkana og foreldra á Hestafjör 2013 sem haldið er í Sleipnishöllinni á Selfossi. Þetta er skemmtun sem félögin á Suðurlandi standa fyrir og krakkar og unglingar sjá um sýningaratriðin. Þetta er frábær skemmtun fyrir alla og við skorum á ykkur að koma með í þessa ferð. Eftir sýningu á að skella sér í pizzupartý á einhvern góðan stað á leiðinni.

Allt þetta verður auglýst nánar síðar nema fyrsti námskeiðsdagurinn hann er auglýstur hér með núna. Þeir sem áhuga hafa á því vinsamlegast skrái sig sem allra fyrst, hjá Kristínu Á. í síma 8693486 eða Mæju í síma 8571973 og þær veita einnig nánari upplýsingar. Námskeiðið verður haldið á Fljótum og kennari verður Kristín Lárusd. Nemendur þurfa að hafa hest til umráða og vera skuldlausir við félagið. Námskeiðsgjaldi verður reynt að halda í lágmarki.

 

Með von um gott samstarf.

Æskulýðsnefnd Kóps

Stína, Mæja og Sissi.

 

 

Á sambandsþingi U.S.V.S. sem haldið var 16. mars voru veitt verðlaun fyrir efnilegasta íþróttamann og fyrir íþróttamann U.S.V.S.

Tilnefndnir sem efnilegastir voru:

Elín Árnadóttir frá Hmf. Sindra, Guðmundur Elíasson frá Kötlu, Katla Björg Ómarsdóttir frá Ármanni og Svanhildur Guðbrandsdóttir frá Hmf. Kóp.

Svanhildur var útnefnd efnilegasti íþróttamaður U.S.V.S.

Tilnefndir til íþróttamanns ársins voru:

Hlynur Guðmundsson frá Hmf. Sindra, Kristín Lárusdóttir frá Hmf. Kóp og Þorsteinn Björn Einarsson frá Kötlu.

Þorsteinn Björn var útnefndur Íþróttamaður U.S.V.S. 2012.

 

Myndir af þessu flotta íþróttafólki koma inn fljótlega.

FEIF Youth Camp í Noregi 2013

FEIF Youth Camp sumarbúðirnar verða haldnar dagana 22. – 29. júlí 2013 í vesturhluta Noregs, milli Álasunds og Moldö. Þetta eru sumarbúðir fyrir hestakrakka á aldrinum 13-17 ára á árinu og markmið þeirra er að kynna krakka frá aðildarlöndum FEIF fyrir (hesta)menningu annara þjóða og að hitta ungt fólk með sama áhugamál.

Það er norska Íslandshestasambandið í samstarfi við þjálfunarstöðvarnar Kjersem og SP og hestamannafélagið á staðnum, Vestnes. Gistingin verður til að mynda í Kjersem.

Það sem krakkarnir munu hafa fyrir stafni í Noregi er til dæmis þetta:

• 2 reiðtúrar á íslenskum hestum í hinum stórfenglegu norsku fjöllum
• Fjallganga upp á eitt fallegasta fjall Noregs með leiðsögumanni sem hefur klifið Mount Everest
• Fræðsla um tamningu hesta
• Dagsheimsókn til heimsmeistarans Stians Pedersen
• Farið í viðarkyntan heitan pott
• Skoðunar- og verslunarferð í Ålesund
• Þjálfað fyrir litla keppni
• Geirangursfjörður heimsóttur en hann er sannarlega fallegur staður og er m.a. á heimsminjaskrá UNESCO
• Grillkvöld og margt fleira!

 

Umsóknarfrestur um að fara út fyrir Íslands hönd er til 5. apríl 2013 og skulu umsóknirnar berast á netfangið hilda@landsmot.is fyrir þann tíma.

Umsóknareyðublað er að finna á vef LH, www.lhhestar.is undir Æskulýðsmál. Einnig hægt að nálgast umsóknina með því að smella hér.

Kostnaður við búðirnar er €550 sem er fæði, uppihald og allar ferðir og afþreying í Noregi. Flug og ferðir til og frá FEIF YC staðnum í Noregi eru ekki innifaldar.

Skrifstofa LH veitir allar nánari upplýsingar í síma 514 4030 eða í gegnum netfangið hilda@landsmot.is.  

Páskabingó í Tunguseli.

 

Páskabingó Hestamannafélagsins Kóps verður haldið í Tunguseli laugardaginn fyrir páska, þann 30.mars n.k. kl.14:00. Margt góðra vinninga.

Hluti ágóðans rennur til Styrktarsamtaka heilsugæslustöðvarinnar á Kirkjubæjarklaustri.

Spjaldið kostar kr.500 og nú munum við bæta ráð okkar og eiga nóg af spjöldum svo enginn þurfi frá að hverfa eins og gerðist því miður í fyrra.

 

Fjáröflunarnefnd Hmf. Kóps.

Hér má finna skýrslu Æskulýðsnefndar Kóps 2012:

http://www.lhhestar.is/static/files/aeskulyds_skyrslur/2012/Kopur.pdf

 

 

Skýrsla stjórnar árið 2012.

 

Fundarstjóri, góðir fundarmenn.
 

Starfsemi félagsins árið 2012 var með nokkuð svipuðu sniði og undanfarin ár. Þó er alltaf, sem betur fer, eitthvað nýtt í félagsstarfinu og ýmislegt gert þegar litið er til baka.
 

Stjórnarfundir voru nokkrir á árinu og einn almennur félagsfundur. Aðalfundurinn var haldinn 2.mars og var mæting þokkaleg. Á fundinum var Jens Eiríkur Helgason bóndi í Hátúnum gerður að heiðursfélaga.
 

Æskulýðsstarfið hófst á árinu með verkefni í samstarfi við skólann. Helgarnámskeið fyrir 6-16 ára var haldið í mars og pizzupartýið var á sínum stað í apríl. Aðrir fastir liðir í æskulýðsstarfinu eru svo reiðskólinn í júní og þátttaka krakkanna í firmakeppni, félagsmóti og hestaferð. Ég ætla ekki að útlista nánar æskulýðsstarfið heldur vísa í Æskulýðsskýrslu Kóps árið 2012 sem þið hafið á borðunum hjá ykkur.Þar má sjá nánari samantekt á því sem gert var með krökkunum.
 

Folaldasýningin var haldin 11. febrúar þegar hálkan var á undanhaldi og fært var orðið með kerrur. Tókst hún í alla staði vel. Við ákváðum síðan á haustdögum að breyta dagsetningu folaldasýningar og hafa hana að hausti eða í byrjun vetrar. Það var því aftur blásið til sýningar á þessu ári, þann 10. nóv. Má segja að það hafi verið í orðsins fyllstu merkingu því svo hvasst var þann dag að fresta varð sýningunni til næsta dags. Þátttaka var góð, 18 folöld og 11 trippi.
 

Félagið stóð fyrir reiðnámskeiði í byrjun árs. Reiðkennari var Páll Bragi Hólmarsson.Þátttakendur voru tíu og eftir því sem ég best veit voru allir ánægðir að því loknu.

Stjórn sat USVS.þing og fulltrúar á L.H. þingi sem haldið var í Reykjavík voru Kristín og Brandur á Fljótum.
 

Félagið réðst í peysukaup á árinu. Tilgangurinn var tvíþættur, annarsvegar að fá flottar peysur á góðu verði fyrir félagsmenn og hinsvegar að græða peninga, því þrjú fyrirtæki keyptu auglýsingar á peysurnar. Fyrirtækin eru Hótel Klaustur, S.S. og Systrakaffi.  Fleira var gert í fjáröflunarskyni, svo sem haldið páskabingó í Tunguseli laugardaginn fyrir páska. Það var gríðarleg aðsókn svo spjöldin seldust upp og ekki voru til stólar fyrir allan þennan fjölda. Urðu því margir frá að hverfa og ætlum við að gera viðeigandi ráðstafanir fyrir næsta bingó.Einnig var blómasala fyrir páska og hvorutveggja skilaði félaginu góðum hagnaði.
 

Farið var í tvo útreiðartúra, sá fyrri var farinn um Landbrotshólana og endað í hesthúskaffi fyrir framan Skaftá. Í þeim síðari var safnast saman í vesturbænum á Herjólfsstöðum þar sem vel var tekið á móti okkur. Herjólfsstaðakonur, þær Steina, Harpa og Adda fóru með okkur í skemmtilegan reiðtúr um Verið í blíðskaparveðri.
 

Firmakeppnin var haldin í apríl og tók fjöldi fyrirtækja þátt. Kópur átti þrjá keppendur á landsmóti sem allir stóðu sig með prýði.  Við tókum einnig þátt í hópreiðinni á setningarhátíð mótsins. Mjög skemmtilegt verkefni, ekki síst undirbúningurinn.
 

Félagsmótið okkar var svo haldið í endaðan júlí. Mjög gott og skemmtilegt mót, fínn hestakostur og frábært veður. Í vikunni fyrir mót bauð Kristín Lár. uppá tilsögn í sýningarprógrammi.Mæltist það vel fyrir og nýttu sér það upprennandi knapar á öllum aldri. Á íþróttahátíð USVS. var svo keppt í hestaíþróttum í fyrsta sinn og vonandi verður framhald á því á komandi árum. Þar sér sambandið um að útvega dómara og ber félagið ekki kostnað af því.
 

Hestaferðin var farin í ágúst. Þetta árið var safnast saman í Álftaverinu. Gist í Herjólfsstaðaskóla, farið ríðandi á laugardeginum út í Skerjakofa. Það þurfti þó enginn að tefja sig á að dáðst að útsýninu, því myrkaþoka var svo varla sá aftasti knapi í þann fremsta. Engu að síður mjög skemmtileg ferð eins og svo oft áður. Til gamans langar mig að geta þess að í upphafi ferðar datt formaðurinn af baki og merkilegt nokk, hún slapp  við allar meinlegar athugasemdir alla ferðina. Sennilega hefur henni orðið það til happs að réttir menn voru ekki á réttum stað á réttum tíma. Á heimleiðinni heyrðist þó nefnt, hvernig stæði á þessari djúpu dæld í vegkantinum á vissum stað á leiðinni.
 

Félaginu var úthlutað reiðvegafé sem unnið var fyrir á árinu og heimasíðan okkar er vel virk, umsjónarmaður hennar er Þórunn Bjarnadóttir frá Fossi.Tveir félagsmenn fóru á námskeið í Kappa og Sport feng. Og núna er nýlokið reiðnámskeiði sem haldið var á Fljótum helgina 26-27.jan. Kennari var Páll Bragi. Það tókst með ágætum, þátttakendur voru tíu, ýmist reynslulitlir eða reynslumiklir en allir ánægðir með námskeiðið.
 

Á þessu ári er félagið okkar 50 ára. Það var stofnað 30.júní 1963. Munum  við væntanlega fagna þeim tímamótum með skemmtilegum og  eftirminnilegum hætti.
 

Af þessari upptalningu má sjá að ýmislegt hefur verið sér til gamans gert hjá félaginu en verkefnin eru ótrúlega mörg í kringum allt sem gert er. En ef allir leggjast á eitt og taka ekki stinnt upp þó þeim berist erindisbréf með tilkynningu um setu í nefnd, þá tekst okkur að efla starfsemi félagsins enn frekar.

Að lokum þakkir til allra velunnara félagsins, bæði fyrirtækja og einstaklinga sem styrktu félagið með ýmisskonar framlögum á árinu. Margt væri óframkvæmanlegt án þeirra stuðnings.

Ágætu félagsmenn og allir þeir sem unnið hafa fyrir félagið á árinu, hafið þökk fyrir ykkar óeigingjarna starf.
 

f.h. stjórnar Hmf. Kóps

Kristín Ásgeirsdóttir

Aðalfundur  Hestamannafélagsins Kóps haldinn 15.febrúar 2013 fyrir árið 2012

 

1. Fundur settur , formaður Kristín Ásgeirsdóttir setur fund. Formaður stakk upp á Antoni Kára sem fundarstjóra og Kristínu Lárusdóttur sem  fundarritara. Það samþykkt. Kári bauð alla velkomna. 14 mættir.
    
2. Skýrsla stjórnar. Anton Kári  les skýrslu stjórnar f.h. Kristínar. Hún samþykkt.
    
3. Fundaritari Kristín Lárusdóttir les fundagerð síðasta aðalfundar , hún  borin upp til samþykktar. Hún samþykkt.
    
4. Gjaldkeri Sigurjón Fannar Ragnarsson les upp reikninga og útskýrir þá. Bornir upp til samþykktar. Gjöld 2.255.724,- tekjur 3.146.237,- veltufjármunir alls 2.209.8010,- fastafjármunir 9.005.308,- Eignir alls 11.215.109,-. Reikningar samþykktir.
    
5. Lagabreytingar  engar lagabreytingar
    
6. Framtíð mótsvæðis og uppbygging þess. Anton Kári fjallaði um hugmyndir félagsins. Hörður Davíðsson kom með yfirlýsingu varðandi samstarf við hestamannafélagið á fundinn.Yfirlýsingin var eftirfarandi:

 

Yfirlýsing Harðar Davíðssonar Efri Vík vegna leigu á landi til Hestamannafélagsins Kóps á svæði sem félagið hefur haft til afnota undanfarin 40 ár:

Undirritaður óskar eftir og samþykkir að eftirfarandi ákvæði verði í væntanlegum leigusamningi.
Leigutími:
Leigusamningurinn verði til hámarks fjölda ára (reglur um tímalengd) með framlengingu ákvæði á leigu.
Leigukjör:
Leiga á landi kr. 1 ( ein króna) í fimm ár, eða þangað til reiðhöll verður tekin í notkun. Reiðhöll verði fjölnotahús sem Ferðaþjónustan í Efri Vík (Hótel Laki) getur markaðssett sem afþreyingu fyrir gesti í samvinnu við rekstararnefnd hússins. Þessi notkun hússins verður reiknuð sem leiga til landeiganda, þó að hámarki kr. 400.000.- að verðgildi byggingavísit. 15. Mars 2013.
Fundin verður út verðskrá fyrir notkun hússins og þegar leiguupphæð er náð greiðir leigusali fyrir notkun hússins samkv.gjaldskrá.
Ef ekki verður byrjað á reiðhöll-skemmu, innan 5 ára frá 15. Mars n.k. fellur leigu –og lóðasamningurinn úr gildi.

Staðfest 13.mars 2013

Hörður Davíðsson

 

Anton Kári sagði að Sólvellir væru afmarkaðir í gildandi aðalskipulagi Skaftárhrepps og að ekki hafi verið rætt um að færa svæðið eitthvert annað.  Gísli Kjartansson taldi erfitt að byggja reiðhöll á næstu 5 árum.  Anna spurði Hörð hvaða starfsemi hann sæi fyrir sér  í húsinu. Hann sagði það óplægðan akur. Samþykkt að leggja fram eftirfarandi tillögu:

Aðalfundur hestamannafélagsins Kóps haldinn 15. febrúar  2013 samþykkir að stjórn hestamannafélagsins verði  í áframhaldandi viðræðum við Hörð Davíðsson v. samnings um mótsvæðið. Síðan verði haldinn félagsfundur um málið. Samþykkt

 

7. Kosningar
   1. Kosin stjórn samkv. 5. grein

         Sama stjórn kosin áfram

2. Kosnir 2 skoðunarmenn reikninga og einn til vara

         Gísli Kjartansson og Kjartan  Magnússon. Varamaður Guðbrandur Magnússon

3. Kosnir fulltrúar á USVS þing

         Stjórn        

4. Kosið í starfsnefndir félagsins

• Ferðanefnd

Gunnar Sigurjónsson formaður, Sverrir Gíslason og Kristín Ásgeirsdóttir

• Mótanefnd

Gunnar Pétur Sigmarsson formaður, Arnhildur Helgadóttir, Rúnar Þorri Guðnason, Guðrún Hvönn Sveinsdóttir og Katla Björg Ómarsdóttir

• Reiðveganefnd

Gísli Kjartansson formaður, Jón Þ Þorbergsson, Örvar Egill Kolbeinsson

• Firmanefnd

Fanney Ólöf Lárusdóttir formaður, Pálína Pálsdóttir og Sigurður Kristinsson

• Fjáröflunar og veitingarnefnd

Sigrún Böðvarsdóttir formaður, Sveinn Hreiðar Jensson og Dagbjört Agnarsdóttir

• Æskulýðsnefnd

Kristín Ásgeirsdóttir formaður, Þórgunnur María Guðgeirsdóttir og Sigurjón Fannar Ragnarsson

 

8. Tillögur frá stjórn

 

2 tillögur komu frá  stjórn hestamannafélagsins, voru þær eftirfarandi:

 

Aðalfundur Hmf.Kóps haldinn á Geirlandi 15.2. 2013 samþykkir að félagsgjöld  fyrir 16 ára og yngri og 70 ára og eldri verði kr.2500 og kr. 5000  fyrir 17 ára – 69 ára.

 

Samþykkt

 

Aðalfundur Hmf.Kóps haldinn á Geirlandi 15.2. 2013 samþykkir að stofna Framkvæmdareikning Hmf. Kóps.

Hlutverk reikningsins er að varðveita fé það sem eingöngu er ætlað til uppbyggingar og framkvæmda á mótsvæði félagsins. Inn á reikninginn rynni það fé sem væri aflað til þessa verkefnis svo og frjáls framlög. Aðalfundur hvers árs getur einnig ákveðið að föst upphæð af árgjöldum félagsins það ár greiðist inná reikninginn. Greiðslur af reikningnum verði samkvæmt reglum þar um.

Reglur varðandi Framkvæmdareikning Hmf. Kóps.

Stjórn félagsins hefur umsjón með reikningnum eins og öðrum fjármunum félagsins. Stofna skal sér bankareikning en að öðru leyti skal ekki aðgreina reikningsskil frá reikningum félagsins. Prókúru hafa gjaldkeri og formaður fálagsins. Eingöngu skal greitt af reikningnum til verkefna sem tilheyra framkvæmdum á mótssvæði félagsins samkvæmt gögnum þar um.

 

         Samþykkt

 

9. Kaffihlé
10. Nýir félagar samþykktir í félagið

         Rúnar Þorri  Guðnason

         Pálína Pálsdóttir

         Hólmfríður Guðlaugsdóttir

         Dagbjört Agnarsdóttir

         Urður Elín Nökkvadóttir

         Sverrir Gislason

         Sigurður Gísli Sverrisson

         Karitas Heiðbrá Harðardóttir

         Guðbjört Mánadóttir

         Hörður Davíðsson

 

11. Önnur mál

         Bréf hefur borist frá formanni Hornfirðings, Bryndísi Hólmarsdóttur þar sem Kóp  er boðið að taka þátt á fjórðungsmóti á Austurlandi sem haldið verður á Fornustekkum í Hornafirði 21-23. júní. Vel er tekið í þetta boð.

 

Borist hefur bréf frá Héraðsskjalasafninu í Skógum þar sem það bíðst til að varðveita skjöl fyrir hestamannafélagið. Ef áhugi er fyrir hendi vilja þeir fá skjöl frá því fyrir 2000. Undir bréfið skrifar Einar G. Magnússon.

Samþykkt að taka þessu boði

 

Það vantar tilnefningu frá hestamannafélaginu í framkvæmdarnefnd LM 2014

Vísað til stjórnar

 

Félagið ætlar í fjáröflun. Það er verið  að starta  happdrætti. Búið er að fá 9 folatolla

 

Félagið ætlar að standa fyrir skemmtiferð  á Meistaradeildina, töltkeppnina 14.mars. Ætlum við að koma við hjá Páli og Hugrúnu í Austurkoti og skoða hjá þeim.

 

Páll Hólmarsson kemur og verður með námskeið fyrstu helgina í apríl  ef næg þáttaka fæst

 

Ekki fleira tekið fyrir

 

Anton Kári sleit fundi