Árleg hestaferð Kóps verður 18.-20. ágúst en haldið verður í Skaftártungu. 

Lagt verður af stað frá Heiðarseli 18. ágúst klukkan 13:00 og farið að Búlandi. 

Á laugardeginum verður tekinn hringur um Skaftártungu undir dyggri leiðsögn heimamanna. 

Á sunnudeginum er stefnan sett að Fljótum en þar er formlegri hestaferð lokið en að sjálfsögðu geta þátttakendur lengt ferðina ef vilji er til. 

Gist verður í Tunguseli föstudag til sunnudags. Sameiginlegt grill verður á laugardeginum, alvöru veisla að hætti Kóps. 

Þátttökugjaldi verður stillt í hóf eins og kostur er.

Láttu ekki þessa einstöku hestaferð fram hjá þér fara en hún mun einkennast af geggjuðu veðri, frábærum félagsskap og skapa ógleymanlegar minningar.

Skráningarfrestur er til 13. ágúst en skráning fer fram hjá Silla 844-4465 eða Fanney 894-1560 - fanneyolof@gmail.com

1. Tölt opinn flokkur
   
   
2. Tölt 17 ára og yngri
   
   
3. 100 metra fljótandi skeið
   
   
4. 150 metra skeið
   
   
5. 250 metra skeið
   
   

• Skráningargjald í tölt er 7.000 kr. á hvern hest en 3.500 kr. á hvern hest í skeiðgreinum
  
  
• Skráning í þessar greinar hefst sunnudaginn 11. júní og lýkur á miðnætti sunnudaginn 18. júní og fer hún fram í gegnum SportFeng
  
  
• SportFengsnúmer mótsins er IS2017LM0132
  
  
• Skráningargjöld skal greiða á reikning:

Kæri hestamaður,

Félag skógareigenda á Suðurlandi kannar nú hagkvæmni þess að koma upp úrvinnslu skógarafurða úr sunnlenskum skógum og meðal þess sem félagið skoðar að framleiða er undirburður undir húsdýr.

Mikilvægt er í því samhengi að hafa góðar upplýsingar um markaðinn, hvort eftirspurn sé til staðar, hvaða vörur markaðurinn vilji kaupa og hve stór hann sé. Meðfylgjandi er linkur inn á skoðanakönnun sem mun hjálpa okkur við að ná utan um þessar upplýsingar.

Við biðlum því til þín með að gefa þér örlítinn tíma til að fara inn á könnunina og svara þeim spurningum sem þar eru. Könnunin er algjörlega nafnlaus og órekjanleg, telur einungis 8 spurningar og er fljótsvarað.

Til að svara könnuninni smelliru á linkinn hér fyrir aftan:

https://surveyplanet.com/592d6ee62237ce4c31377525

Með fyrirfram þakklæti og kveðju,

Félag skógareigenda á Suðurlandi

Hestaferð Kóps verður farin 18-20 ágúst og er stefnan tekin út í Skaftártungu. Ferðanefnd lofar góðu veðri, enn betri félagsskap og ógleymanlegri skemmtun. 

Nánari ferðatilhögun verður auglýst síðar.

 "Nefndin"

Páskabingó Hestamannafélagsins Kóps

verður haldið í Félagsheimilinu Kirkjuhvoli laugardaginn fyrir páska,

þann 15. apríl nk. og hefst kl. 14:00.

Góðir vinningar,t.d. páskaegg!! og margt,margt fleira. Spjaldið kostar 750 kr.

Hluti ágóðans rennur til styrktar góðu málefni.

Ath. ekki posi á staðnum.

Allir velkomnir.

Fjáröflunarnefnd Hestamannafélagsins Kóps.

Hestamannafélagið Kópur auglýsir.

Fyrirlestur um líkamsbeitingu knapans með Heiðrúnu Halldórsdóttur pílates dressage instructur, verður haldin á Kirkjubæjarstofu  laugardagskvöldið 25.mars næstkomandi  kl 20:00.

Heiðrún er sérhæfður kennari í líkamsbeitingu knapans til að ná betri árangri í reiðmennsku og að hafa áhrif á betri líkamsbeitingu hestsins.

Allir hjartanlega velkomnir.

Hestamannfélagið Kópur.

FEIF Youth Camp sumarbúðirnar verða haldnar dagana 11. - 18. júlí 2017 í St-Truiden í Belgíu. Þetta eru sumarbúðir fyrir hestakrakka á aldrinum 14-17 ára á árinu og markmið þeirra er að kynna krakka frá aðildarlöndum FEIF fyrir (hesta)menningu annara þjóða og að hitta ungt fólk með sama áhugamál.

Þema FEIF Youth Camp í ár er "hestur og vagn".

Belgíska Íslandshestasambandið er það minnsta innan FEIF og það eru sjálfboðaliðar í æskulýðsstarfinu þar sem skipuleggja viðburðinn. Það sem verður meðal annars á dagskrá:

• Heimsókn á bú þar sem ræktaðir eru Brabant hestar
• Sýnikennsla/kynning á vinnu með dráttarhesta
• Sýnikennsla/kennsla á jafnvægi knapa og ásetu (centered riding)
• Fræðsla um tannheilsu hesta
• Vinna með hest í tvítaum
• Sögufræg borg heimsótt
• Skemmtigarður heimsóttur - Bobbejaanland
• Ferð í hestvagni
• Og margt fleira....!

Umsóknarfrestur um að fara út fyrir Íslands hönd er til 3. apríl 2017 og skulu umsóknirnar berast á netfangið hilda@lhhestar.is fyrir þann tíma.

Umsóknareyðublað er að finna á vef LH, www.lhhestar.is undir "Æskan". Þar er að finna bæði pdf og Excel skrá. Einnig hægt að nálgast umsóknina með því að smella hér. 

Kostnaður við búðirnar er ?680 (ca. 78.000 í dag), en inní því er fæði, uppihald og allar ferðir og afþreying í Belgíu. Flug út til Brussel, vasapeningur og annað er ekki innifalið.

Skrifstofa LH veitir allar nánari upplýsingar í síma 514 4030 eða í gegnum netfangið hilda@lhhestar.is.  

Frétt á heimasíðu Landssambands Hestamannafélaga: 
http://www.lhhestar.is/is/moya/news/feif-youth-camp-2017