Vinnukvöld á Sólvöllum

Fimmtudagskvöldið 9.ágúst er ætlunin að undirbúa og fegra svæðið fyrir mót og væri því gott að fá vinnufúsa félagsmenn á staðinn kl. 19:00 og síðar ef það hentaði einhverjum betur.

Gott að taka með sér þetta hefðbundna, sleggju, hrífu, skóflu og sláttuorf, þeir sem eiga slíka græju.

Hressing í boði félagsins að loknu verki.

Stjórn og mótanefnd Kóps.

Firmakeppni Hestamannafélagsins Kóps verður haldin á Sólvöllum í Landbroti föstudagskvöldið 10.ágúst nk. kl. 19:00. Keppt verður í opnum flokki (minna og meira vanir) og unghrossaflokki.

Skráningar berist á netfangið hmf.kopur@gmail.com en þær þurfa að berast í síðasta lagi miðvikudagskvöldið 8.ágúst nk. Einnig verður hægt að skrá á staðnum.

Að firmakeppni lokinni ætlar Lilja Hrund Harðardóttir að vera með heimboð þar sem boðið verður upp á grill og með því.

Hestaþing Hestamannafélagsins Kóps verður haldið 11.ágúst nk. á Sólvöllum í Landbroti.

Mótið er opið í gæðingaflokkum, tölti og kappreiðum.

Keppt verður í eftirfarandi ef næg þátttaka næst:  

Polla-, barna-, unglinga- og ungmennaflokki og A- og B-flokki gæðinga.

Tölti T3 og T7

100 m. flugskeiði, 150 m. skeiði, 300 m. brokki og 300 m. stökki.

Skráningargjöld í ungmennaflokk, A-flokk, B-flokk og tölt er kr. 3000.- og kr. 1500.- í 100 m. skeið.

Engin skráningargjöld eru í kappreiðar, polla-, barna- og unglingaflokk.

Skráningargjöld greiðist inn á reikn: 0317-26-3478 kt: 440479-0579.

Kvittun sendist á netfangið hmf.kopur@gmail.com

Skráning telst ekki gild fyrr en greiðsla hefur borist.

Skráning er á heimasíðu Kóps (skráningarvefur hægra megin á síðunni) og henni lýkur kl. 23:59 miðvikudagskvöldið 8. ágúst nk.

Ef vandamál koma upp við skráningu er hægt að hafa samband við Pálínu Pálsdóttur í síma 867-4919.

Óski einhver eftir að skrá í kappreiðar á staðnum þarf að hafa á reiðum höndum IS númer hestsins og kennitölu knapa.

Dagskrá og ráslistar verða birt á hérna á heimasíðunni eftir að skráningu lýkur.

Hlökkum til að sjá sem flesta.

Fjáröflunar- og mótanefnd Kóps 2018.

Reiðskóli Hestamannafélagsins Kóps

Reiðskóli Hestamannafélagsins Kóps verður haldinn dagana 18.-22.júní á Syðri-Fljótum. Kennt verður á kvöldin. Reiðkennarar verða Kristín Lárusdóttir og Svanhildur Guðbrandsdóttir. Reiðnámskeiðið er fyrir alla frá 6 ára aldri hvort sem þeir eru vanir eða óvanir. Þátttökugjald fyrir krakka er kr. 7.000 aðrir kr. 15.000. Þátttakendur þurfa að koma með taminn hest og reiðtygi. Skráning er hjá Pálínu í síma 867-4919 eða á netfangið hmf.kopur@gmail.com en skráningar þurfa að berast í síðasta lagi laugardagskvöldið 16.júní nk. Nánari upplýsingar og tímasetningar verða auglýstar síðar. Hlökkum til að sjá sem flesta (og vonumst til að sjá alla sem voru með okkur í hestaklúbbnum í vetur!)

Fræðslunefnd og stjórn Kóps

Úrtaka Kóps fyrir Landsmót verður á Sindravelli við Pétursey 16. júní næstkomandi.

Kópur á rétt á að senda einn keppanda í hvern flokk og gildir hæsta einkunn úr forkeppni, boðið verður upp á tvær umferðir.

Skráning og frekari upplýsingar á netfanginu hmf.kopur@gmail.com eða hjá Pálínu í síma 867-4919.

Skráningarfrestur er til 11. júní. Hlökkum til að sjá sem flesta í úrtöku.

Stjórn Kóps.

Laugardagskvöldið 21.apríl kl. 20:00 ætlar Hlynur Guðmundsson að vera með sýnikennslu á Syðri-Fljótum. Það verður frítt inn og allir eru velkomnir. Hlökkum til að sjá ykkur! Hmf.Kópur

Reiðnámskeið verður haldið á Syðri-Fljótum dagana 21. - 22. apríl nk. ef næg þáttaka næst.

Reiðkennari verður Hlynur Guðmundsson menntaður tamningamaður og reiðkennari frá Háskólanum á Hólum.

Reiðnámskeiðið er fyrir unga sem aldna en gert er ráð fyrir hópkennslu og einkakennslu 2x40 mín. Þátttökugjald er 10.000 kr. Þátttakendur þurfa að koma með taminn hest og reiðtygi.

Hlynur verður einnig með sýnikennslu þessa helgi á Syðri-Fljótum sem verður opin öllum en nánari tímasetningar verða auglýstar síðar.

Nánari upplýsingar og skráning á námskeiðið er hjá Pálínu Pálsdóttur í síma 867-4919 eða á netfangið palinapalsd@hotmail.com fyrir 17. apríl nk. Allir eru velkomnir á námskeiðið.

Hlökkum til að sjá sem flesta! 

Páskabingó verður haldið í félagsheimilinu í Tunguseli laugardaginn fyrir páska, þann 31.mars nk. kl. 14:00.

Góðir vinningar eru í boði t.d. páskaegg og fleira veglegt og flott!
Spjaldið kostar 750 kr, enginn posi verður á staðnum.

Stefnt er að því að vera með sætaferð á Stórsýningu sunnlenskra hestamanna sem haldin verður í Rangárhöllinni þann 29 mars nk. Húsið opnar kl 19:00 og sýningin hefst kl. 20:00.

Hugmyndin er taka daginn snemma og koma við á einu til tveimur hrossaræktarbúum fyrr um daginn og fara svo út að borða áður en sýningin hefst. Forsala miða er hafin og þar af leiðandi þurfum við að vita hversu margir ætla að fara í síðasta lagi á sunnudagskvöld svo hægt sé að panta miða en miðaverð á sýninguna er 2.900 kr á mann.

Tímasetningar, staðsetningar og allar aðrar mögulegar upplýsingar verða veittar þegar nær dregur en hægt er að panta miða hjá Öddu í síma 866-5165 eða í netfangið adda159@gmail.com sem fyrst.

Stjórn Hmf. Kóps

Árleg hestaferð Kóps verður 18.-20. ágúst en haldið verður í Skaftártungu. 

Lagt verður af stað frá Heiðarseli 18. ágúst klukkan 13:00 og farið að Búlandi. 

Á laugardeginum verður tekinn hringur um Skaftártungu undir dyggri leiðsögn heimamanna. 

Á sunnudeginum er stefnan sett að Fljótum en þar er formlegri hestaferð lokið en að sjálfsögðu geta þátttakendur lengt ferðina ef vilji er til. 

Gist verður í Tunguseli föstudag til sunnudags. Sameiginlegt grill verður á laugardeginum, alvöru veisla að hætti Kóps. 

Þátttökugjaldi verður stillt í hóf eins og kostur er.

Láttu ekki þessa einstöku hestaferð fram hjá þér fara en hún mun einkennast af geggjuðu veðri, frábærum félagsskap og skapa ógleymanlegar minningar.

Skráningarfrestur er til 13. ágúst en skráning fer fram hjá Silla 844-4465 eða Fanney 894-1560 - fanneyolof@gmail.com